الصفايح الدمويه وولدي

السلام عليكم ورحمت الله وبركاته....خواتي الغاليات بغيت اسالكم اذا.عندكم معلومات انا ولدي من فتره بدت تطلع فيه بقع لونها اسود على بنفسجي ولما وديته الطبيب قال هذا عنده مشكله في الدم وسوى له تحليل وطلعت عنده الصفايح الدمويه نازله موصله 11الف والطبيعي 150الف ودخلوه المستشفي البارحه وقالو لازم نعطيه كورس علاج عشان نرفع الصفايح لن لو نزلت اكثر ممكن تسبب نزيف لاسمح الله خواتي بغيت اسالكم سمعتو عن احد جاته نفس الحاله وهل له اثار جانبيه الادويه خاصتن ان فيه كرتوزون والمرض يروح منه لن الطبيب يقول لازم تنتبهون عليه من الطيحات وهو الله يهديه حركي ماتقدرين تحكمين فيه ولي ماتعرف تدعي له ان الله يخليه لي ويشفيه يعور القلب من دخلنا وهو متضايق يبي اخوانه ويصيح من الابر والتحاليل كل مادخلت سستر تاخذ الحراره والضغط يقولها مافي ابره زين الله يخليلكم احبابكم وعيالكم ولاتشوفون فيهم مكروه وخوانا المسلمين اجمعين....