الصقله المغربيه اللي تبي جسمها مرايه تدخل وتدعيلي

مسيتكم بالخير حبيباتي كلكم ويسعد العيون اللي تقراء وتدعيلي
اليوم جايبتلكم دلكه تجنن اول شي بقولكم ايش كان فيني ومن بعد الدلكه هاذي اختفى تماما
كنت اعاني من الشعر اللي تحت الجلد والتنقيط اللي برجولي وعندي اصابع القدم اكرمكم الله ماكانها لي ابدا سمرا ومهما رطبت او استخدمت مقشرات للقدم ماينفع معاها وانا خيتكم كسووووله مااحب استمر على حاجه
بس قلت يابنت سويها مره وحده بس واذا نتيجتها مثل الحمام المغربي خلاص خليها وجربتها يابنات من اول مره ايش نعومه ايش نظافه تشوفين الجلد الميت يطلع من جد هاذي ٥ مره اسويها وفرقت معاي كثيييير فتحت اصابعي وشالت كل الشعر اللي تحت الجلد والساق تلمع يابنات ماشاء الله تبارك الله لااطول عليكم بنزلكم المقادير وطريقتي انا بالاستخدام وطريقة المغربيات الصحرويات بالاستخدام وانتم عاد بكيفكم


المقادير:
مقادير الصقله المغربيه:|
50 غرام - من :الورد+ الخزامى+ القرنفل+ اداد+ الحناء+ طين ابيض+عرعر
150 غرام من :النيلة زرقاء (تخلطين المقادير مع بعض وتحفظينها بعلبه )


(نجي لي انا مااحب الحنه لكن اللي عطتني الوصفه قالت الحنه هو اللي يشيل السمار من الجسم حتى لو كان سوااااد عاد انا حطيت نصف المقدار حنه ونصفه سدر لاني لاحظت الحنه تصبغ باليد +كل المقادير انا استخدمت الكوب المعياري مو بالغرام)


نجي للطريقه:
طريقة المغربيه اللي عطتني الوصفه :تاخذين الكميه اللي تكفيك لجسمك وتخلطينها بمويه ورد او مويه عاديه الين يصير قوامها اثقل من خليط الكيك بشوي يعني مو عجينه لا سائل ثقيل وتوزعينها على جسمك بالكامل ولانشفت تحكينها الين ينظف منها جسمك بس ماتغسلين جسمك ابد بس تنزلين الصقله فهمتو علي؟؟
عاد هم يخلونها بجسمهم ٣ ايام وبعدين يعملون الحمام المغربي المعروف
طريقتي انا : نفس اللي فوق بس اعملها آخر يوم بالدوره اسويها بالليل وانا عارفه اني بكره بغتسل وثاني يوم اسوي الحمام المغربي المهم اقل فتره تخلونها على الجسم ٦ساعات ولاتقل ابدا عن كذا لانها ماراح تفيدك
ولاتنسون الترطيب مهم مره يابنات رووووعه فوق ماتتصورن نظافه بياض لمعه بالجسم تجنن بس تكفون ادعولي بالعوض اللي يسعدني الله يسعد قلوبكم