الصلاه؟؟!!

السلام عليكم ورحمة الله وبركاته .. احييكم بتحية الاسلام اينما كنتم وارحب بكم


من المحزن ان انصح اخواني المسلمين واخواتي المسلمات بالصلاه والتمسك بها وعدم تركها وهذا لأننا نعيش بعد عهد الرسول الكريم صلى الله عليه وسلم ورسالته للامم ب1400 سنه !

لابسط الموضوع واتكلم بصراحه واتكلم بالعاميه (( ليش ما أصلي ؟ ))

1- عشاني ماتعودت على الصلاه وانا صغير
2- الكسل مرات الماي حار في الصيف او بارد في الشتا
3-انسى
4-ان شاء الله بصلي !

بصراحه الاسباب تافهه لو نظرت لها بجدّيه وتقول في نفسك صحيح ليش ما أصلى مثل العالم الي تصلي هم شنو احسن مني فيه !

اذا صدق تبي تعرف السبب الي مايخليك تصلي تراه الشيطان اعوذ بالله منه وهو الي يطلع لك الاعذار التافهه كل ما تذكرت الصلاه او نويت تصلي لسبب واحد انه يبيك تدخل النار وتنحرم من الجنه والله المستعان

يمكن تقول في نفسك الحين الحمد لله والشكر وش الجديد الي جايبه في موضوعك ؟ المشكله ماهو في الجديد ولا في القديم المشكله انك تمشي ورا ابليس لغاية ما تموت وانت على هالحاله !
بعد ما تموت راح تشوف بعيونك الجديد من عذاب القبر والحساب يوم الحساب ودخول النار والعياذ بالله

من اشد حراره الماي في الصيف والا لاهوب جهنم !
الحل سهل جدا بس اذا انت فعلا تبي الحل لمشكلتك
حاول تصلي كل صلاه في وقتها لمدة اسبوع بس
راح يجيك ملل وراح تنسى احيان وراح يغطك النوم وقت الصلاه وكل هذي اساليب ابليس لمنعك من مواصلة مشوارك الصحيح وتأكد كل ماحسيت ان الشيطان يحاول معاك بطرق كثيره تاكد انه محتار معاك يبي يوقف تقدمك وانت في هالوقت تذكر انك في جهاد وانك لازم تغلب الشيطان وتواصل خطواتك في طريق النجاح بإذن الله في الدنيا وفي الآخره

كلها اسبوع جاهد فيه واتعب بعدين راح تشوف نفسك احسن من قبل وتحس ان الشيطان بدا يتعب معك واصل صلاتك وخل التحدي الحين شهر كامل مو اسبوع وراح يحاول الشيطان يوقفك بطرق جديده واساليب عديده بس خلك اذكى منه وتاكد من كان مع الله كان الله معه
تخيل في نفسك (( الشيطان يقدر يوقفني اذا الله معي ! )) الجواب مستحيييييييييييييييييييييييل

وهذي هي الهدايه ان الله يهديك الي طاعته اذا انت فعلا تبي تتقرب من الله وان شاء الله تشوف بعينك بعد الشهر سنه وبعد السنه العمر كله وراح تشوف ان الصلاه فعلا تنهى عن الفحشاء والمنكر وراح تتغير حياتك 180 درجه ولا راح تسب احد ودايم تستغفر ربك ولا ترتكب معاصي بس شلون ! كل هذا ياتي بعد الهدايه من الله سبحانه والهدايه تجيك اذا انت فعلا سعيت لها وسبحان الله كم من ناس كانو فاسدين اصبحوا الآن صالحين

صل صلاتك وجرب طريقتي وان شاء الله بتدعي لي
اقول قولي هذا واستغفر الله لي ولكم عن اي زلّه او غلطه كتبتها او فعلتها

والله يهدينا وياكم الي طاعته وعبادته ويجعلني وياكم من اهل الجنه آمين يارب العالمين والصلاة والسلام على رسول الله محمد ابن عبدالله صلى الله عليه وسلم وعلى آله وأصحابه أجمعين

والسلام عليكم ورحمة الله وبركاته


منقووووووووووووووووووووووول