هيو12

هيو12 @hyo12

محررة برونزية

الصلاه حان وقتها وانتب برا وش تسوين

ملتقى الأحبة المغتربات

السلام عليكم يا حلوين
كيفكم مع الجو المتقلب هذا الله يعين نصيف بالصباح ونشثي بالظهر
المهم لاحان وقت الصلاه مثلا وانتي بمكان عام وش تسوين:unsure:؟
وين تصلين:huh:؟
والا تاجلينها لين تروحين البيت......:ohmy:
طيب لو كان مكانك بعيد مثلا. رحتي للستي. والا بمحطه القطار وتاخر. او حتى بالطياره. وش تسوين:)؟
هذا من باب التعاون على الخير ونعطي بعض نصايح
واذا صارت مواقف زينه:laugh2:
مضحكه:hahaha:
شينه:icon33:
احكو لنا
125
14K

يلزم عليك تسجيل الدخول أولًا لكتابة تعليق.

تسجيل دخول

رغد الحياة
رغد الحياة
السلام عليكم
طبعا على حسب وين مكاني

الوضوء طبعا يصير بأي مكان عام عادي

الصلاه
اذا كنت في سوق اروح اقرب ول مارت او اي محل ملابس واخذ كم بنطلون على كم فستان واروح غرفة تغيير الملابس واصلي فيها

اذا كنت بمحطة قطار او باص
اطلع برا وامد جاكيتي واصلي باي زاويه او تحت اي شجره


انا مدينتي فيها مساجد كثيره واغلب المولات والجامعات والمطارات فيها غرف multifaith
انتي حاولي انك تتعرفي على هالغرف وتتعرفي على مدينتك وخلي عندك فكره على اماكن مناسبه للصلاه قبل ماتروحي


وحتى لو مافي مكان للصلاه ابدأي الصلاه باي مكان ولاتفكري كثير سبحان الله تتيسر

امممممم مواقف زينه
مره كنا في مطار تورنتو انا واختي واخوي وماعندنا وقت ندور على مكان للصلاه
فأخوي راح على جنب اقام الصلا وبدأ الصلاه وفجأه سبحان الله وقفو ورانا كذا عائله كلهم صار يصلو ورانا في نص المطار

مواقف شينه
يمكن اغلبها زمان لما كنت ادرس في الثانوي
للأسف كثير طلاب مريضين وويمكن يكرهو الانسان عيشته
لكن الحمد الله تربية اهلي والصحبه الصالحه اللي اعانتني على الصلاه ساعدتني كثير


مواقف مضحكه
انا ادرس قسم فني والمسلمه الوحيده فيه ومعروف عن اهل الفنيه انهم منغلقين جدا عن ثقافات العالم
وكل ما اصلي يجي احد من الدكاتره او الطلاب يسولف معي وانا ما ارد عليهم ولما اخلص يصفقو يحسبوني اني جالسه امثل!
مع اني شرحت لهم الف مره عن الصلاه لكن يظل كثيرين منهم ماعندهم ادنى فكره حتى الحجاب في كثيرين مايعرفو انه له علاقه بالدين يحسبوه لبس تنكري! ههههههه
*نجديه بامريكا*
الصلاة

اذا كنا مسافرين من منطقتنا نجمعهم اما اذا في مدينتي وكنت مثلا في مول ما اروح لغرف القياس لان اغلبها تكون موسيقى اروح بزاويه

وافرش سجادتي واصلي واتكل على ربي ويكون زوجي ولا بنتي قريبين مني علشان لو جاء سيكيورتي ولا شي لاني ماراح اقطع صلاتي

واذا بسوبرماركت ولا مطعم نطلع ونجي من وراء المبنى وراء ونوقف سيارتنا ونصلي

واذا بشوارع نتمشى اقرب حديقه

اهم شي انك ما تستحين وانتي تصلين لا يا عيوني خلك مفتخرة بدينك ولا همك بالاجانب فيه ناس اعرفه مايصلون برا ولو ايش

يجمعون عصر على مغرب على عشاء با الله هاذا يصير ؟؟؟ كله علشان ينحرجون يصلون قدام الامريكان !!!!

والله ما ارتاح ابدا الا ولا اتهنى الا اذا صليت باااي مكان كان ..

وسوالك اذا بالطيارة اذا السعوديه اصلى بالمصلى اخر الطيارة واذا خطوط ثانيه اصلي وانا جالسه بالكرسي الدين يسر ..
أ&س الاعلامية
أ&س الاعلامية
موووضوووع شيق
والله يا عمري لو كنت قريبه من البيت او المسجد نرووح نصلي
اما لوكنا بعيدين الحمد لله سجادتنا دايم معااانا ونحاول ندور لنا مكان مناسب مافيه موسيقى ونصلي لو بمواقف السياااره

الا صلااااتي لا ما خليهاااا هيا حياااتي ودنيتي فيهاااا
ام قعرانه
ام قعرانه
كيف أعرف اتجه القبله فى مكان عام مثل سوق؟؟؟؟؟؟
حمصية يا احلى بنت
كيف أعرف اتجه القبله فى مكان عام مثل سوق؟؟؟؟؟؟
كيف أعرف اتجه القبله فى مكان عام مثل سوق؟؟؟؟؟؟
نفس السؤال.. عاد انا اليمين من اليسار ما بعرف لحتى اقدر لاقي شمال و جنوب :(