اللي مايعرفون اتجاة القبلة فيه بوصلة خاصه بتحديد القبلة حسب البلد اللي انتي فيه بس تحددي المدينه وتحدد لك القبله .من الخطوط السعودية

انا السجادة دايم بالسيارة

وزي ماقالوا البنات اقرب بارك نصلي فيه او اذا كنا بمول او شي اروح لمواقف السيارات واصلي جنب السيارة

بس فيه بنات يقولون نصلي جوا السيارة وشلوون؟؟ يعني تصلون جالسين ؟؟
يصلح
لان انا احيانا اصير طالعة من الجامعة مادخل وقت المغرب والمشوار طويل احيانا يمديني الحق واحيانا لا يصلح اصلي بالسيارة ؟؟

دايم احاول اطلع بعد مااصلي عشان ماتفوتني وان كنت بالطياره او قطار اصلي عادي

وحتى بالمول ادور مكان بعيد واصلي

بس والله انها فكره غرفة الملابس الله يجزاكم خير انكم ذكرتوني عمرها ماجت على بالي

وبالنسبه للقبله انا زوجي دايم يقول حنا قبلتنا جنوب شرق فانا اقعد اطالع الشمس وين يعني لو كنت طالعه وقت المغرب

خلاص اشوف الشمس وين واعطيها ظهري هذا والله اعلم .. واينما تولوا فثم وجه الله ..

والموقف الطريف

مره بالطياره على الخطوط البريطانيه زوجي قعد يصلي على الكرسي وجا المضيف يكلمه يساله عن الوجبه

ويكلمه مره مرتين وانا مثل الهبله نسيت انه يصلي

يوم طالع فيه المضيف مستغرب يقول بقلبه هذا وش فيه ليش مايرد

طمرت اخيرا على المضيف قلت سوري سوري هي از بريينق

قام ضحك قال اووه يس يس سوري

الله يوفقكم

الجمع بين صلاتين للمقيم بحجة الدراسة

هل يجوز لنا الجمع بين الصلاتين ونحن مقيمون بالمدينة في حالة وجود حصص دراسة لا نستطيع الخروج منها ، استنادًا إلى أن النبي صلى الله عليه وسلم صلى في المدينة جمعًا من غير سفر ولا مطر ولا مرض ، أو يجب علينا ترك الحصة والخروج إلى الصلاة ؟
عليك أن تؤدي الصلوات الخمس المفروضة في أوقاتها ، ولا تعتبر الدراسة عذرًا لك يُرخِّص لك من أجله في تأخير أي صلاة منها عن وقتها الذي بينه رسول الله صلى الله عليه وسلم ، وأما الحديث الذي أشرت إليه فعمل الرسول صلى الله عليه وسلم المتواتر المسمتر على خلافه ، فعليك أن تنسق بين دراستك وأداء الصلوات في أوقاتها .
اللجنة الدائمة