السلام عليكم و رحمة الله وبركاته,

يعطيج العافيه حبيبتي امونه عالموضوع :26:
صراحه كان ابالي من زمااااان اني اسأل والحمدلله

ودي اعرف شلون اذا ماكانت الوحده على وضو او انقض الوضوء؟
وهل تاخذون السياده معاكم؟
و شلون يكون لبسكم بالضبط؟
والمكان اذا كان فيه نجاسه لانه مكان دوس هل يجوز؟

ويعطيكم ألف عافيه

أهلين أختي ترف..
بالنسبة لتساؤلاتك....أحرصي أنتي و أفراد عائلتك أنكم ما تطلعون من البيت ألا بعد ما تتوضون و حتى اذا كنت ناوية تعودي للبيت قبل وقت الصلاة لتكون عادة عندك وتكوني دائما على طهارة ..... أما اذا نقضتي وضوئك فالحمامات (تكرمين) متوفرة في كل مكان أو انك تعودين لبيتك لان هذي ((((صلاة فرض)))).

وبالنسبة للسجادة حطي سجادة في سيارتكم... وصلي بعباتك لأانها طاهرة مالم تشهدي عليها نجاسة (أي تتأكدي من نجاستها).... وكذلك بالنسبة للمكان فهو طاهر مالم تشهدي عليه نجاسة هذا والله أعلم

السلام عليكم..

موضوعك جاء في محله... أنا قد حصلت لي ذا الموقف... إسمعوا:


ونحن في السفر في مره من المرات... طبعا لازم السجادات والبوصلة معنا على طوووووووول... المهم ودخل وقت صلاة الظهر ونحن في الطريق فوقفنا في أقرب rest area... و صلينا أمام الأمريكان بالعكس لا تخافي أو تقولي بيضحكوا عليه ممكن في اللحظة اللي أنتي تصلي فيها يضحك الشخص لكن بعدها يتسأل ليه هم بيصلوا كذه ويقرأ عن الإسلام وربما يسلم وتكوني أنتي سبب في إسلامه وتكسبي الحسنات وأنتي لاتعلمين وربما يسلم آخرون على يد هذا الذي أسلم وتزيد حسناتك... الله أكبر... المهم وصلينا وكان فيه رجل في سيارته وطوال ما نحن نصلي وهو يطالع فينا... وبعد إنتهائنا من الصلاة نزل من سيارته وسأل أبي ماذا كنتم تفعلون؟ أجابه أبي نصلي.. قال أهاه... لكن ليه تصلون كذه؟ قال أبي نحن مسلمون وأمرنا الله بهذا ونحن لا نعصي كلام الله سبحانه وتعالى... هل لديك أي سؤال آخر..؟؟ قال لا شكرا جزيلا لكن مظهركم شدني لأنكم تبدون مطمئنين وحتى الأطفال يصلون إنه لأمر مثير بالنسبة لي...

ومن يعلم من الممكن أنه هذا الرجل يقرأ عن الإسلام وربما يهديه الله... (الله يهدي الجميع)..

وبالنسبة للسوق فأحس إنه عادي حتى لو صليتي أمام الناس لن يمنعك أحد... بل بالعكس ستشهد لك الأرض بأنك صليتي عليها... إنه لفخر عظيم... بس أنا أتسوق في الصباح أحسن وأفضل والسوق يكون مش زحمة وإنتي ترتاحي أكثر... والله المستعان...


آسفة على الإطالة ولكن حبيت مشاركتكم الرأي... :):)... الله يكتبنا من عباده الصالحين.. آميـــن يااااااااااااااارب...

تحياتي...

حلى و فاطمة مشكورييييييين خواتي وماتقصرون,
يعطيكم ألف عافيه وبارك الله فيكم ولكم وثبتكم :26:
انا على فكره بروحي وماعندي سياره, بيني وبينكم احسن عن اللويه والمكان البعيد والحمدلله ماحتاجها كل شي قريب,
بس شنو اسوي وقت الامتحانات الفاينل,
في ايام يكون في امتحانين الاول يبدي 2 الظهر ومسافة الطريج نص ساعه ولازم اروح ابجر بعد اشوف مكان القاعه واقعد, وصلاة الظهر عالساعه 1:30, ومدة الامتحان ساعه ونص, وبعدها الساعه 4 امتحان ثاني بمكان ثاني, يعني عندي نص ساعه اروح للمبنى الثاني صراحه وهجه, بس اتوقع المغرب يكون متأخر حيييل لان صار الصيف
شرايكم :(

ترف حبيبي ..
فعلا احيانا يكون اوقات الصلاة جدا صعبه مع اوقات الدروس والامتحانات..

خذيها نصيحه مني عزيزتي ..لما تصلي الفجر . ادعي قولي يارب يسر لي اصلي كل الصلوات في وقتها ..وسبحان الله تتيسر كل امور صلاتك من غير ماتحسي ..
وانا كنت اخص بدعاءي انه الله ييسر لي صلاة المغرب لأنه فععععععلا اتعب نفسيا عشان اقدر اصليها في وقتها مثل ماقلتي وقت المواصلات والمشي والدرس ووو يصعبها جدا ..
حتى في رمضان الماضي كان يسمح لي الاستاذ ببريك عشر دقايق بس على بال ماانزل تحت وارجع راحت خمس دقايق يبقى لي خمس دقايق كنت يادوبك اصلي فيها المغرب وما افطر ولا اكل شي غير تمرة او قارورة مي وما اكل الا الساعه 11 بالليل على بال ما اوصل البيت فعلا كان وضع متعب والحمد الله مرت باذن الله نأجر عليه..
وشوفي عزيزتي اذا كانت غرفة الصلاة بعيده وتاخذ وقت عبال ماتوصليها لاتروحيها .. اختاري مكان يكون افضل .. عندك مثلا المكتبة او مثلا اذا كان في هول واي فاضي مدي جاكيت ولا سجاده ولا شال اي شي وصلي ممكن بعد في غرف مدري اذا في جامعتك فيه منها اسمها ريدينق روم او ميتنق روم تجي غرف فاضيه للمذاكرة ومافيها الا طاولات .. لو عندكم برضو مكان ممتاز للصلاة المهم انك لاتقولي غرفة الصلاة بعيده وتتقيدي فيها لأنه احنا مانبي الصلاة تكون عائق لأمور مهمه ثانية الدين يسر ياعمري وربي يهونها من عنده صدقيني ..

ابدي طبقيها والحي في الدعاء انه الله من عنده ييسر لك الامور عشان تصلي الصلاة في وقتها والله ييسر عليك وعلى جميع المسلمين والمسلمات ..
فمان الله