الصلع المبكر...

السلام عليكم ورحمة الله وبركاته

أخواتي ..بنات حواء..انا اتعبت من شعري (الحمد لله )اعذروني الاسلوب ركيك ماني متعودة اكتب كثير بالمنتديات

بالاصل كان شعري حلو كثيف وناعم :)لكن بدا معاي تساقط الشعر بسن المراهقة بس بنفس الوقت كان شعري حلو وكنت

عااااادي مافكرت انه راح يوصل شعري لشكله الحين:09:(الحمد لله على كل حال)

والله يابنات تعالجت عند داكتور جلدية قرابة سنه واناعلى البخاخ الي لونه ابيض وموف <<ناسيه اسمه بس درجة تركيزه

خفيف وماتغير شعري

زاد الفراغات بشعري استخدمت الزيت بالثوم :09:وللاسف مااتغير شي:(


بدات فروة راسي تبين وكل من شافني قالي ليش شعرك مصلع استخدمي الثوم

المهم اتوكلت على الله وقلت بسوي زراعة شعر ورحت لعيادة ادمه بجدة وقلت لدكتور ابغى زراعة شعر قالي متحتاجين

زراعة وحاول فيه واقنعني واقنع اهلي بالعلاج طبعا اعطاني فيتامينات وبخاخ ريجن تركيز 2%

ومااتغير شعري ووصف لي ريجن 5%للرجاااااال واتغير شعري عليه وكثر <<بس طبعا مارجع زي زمان

بس صار حلو الفراغات بالراس ماهي واضحة:)قالي الدكتور هذا العلاج اقصى مدة لاستخدامه سنتين واذا بتستخدمينه بس

سنه عادي براحتك طبعا استخدمته سنتين

لكن بعد ماتركته بدا شعري يقل الين ماصارت فروة راسي واضحة :44:

واتعبت نفسيآ منها مااحب اطالع بالمراية:icon33:

سمعت بتشريط فروة الراس بالموس ودعكها بالثوم:09:وسويتها لمدة شهر كامل

والله يابنات يوميا امي (الله يحفظها لي) تشرط لي بالموس وتدعك بعدها بالثوم <<الله لايوريكم جرح وثوم :09:

المهم مااتغير شعري ابدااا

سمعت ببول الناقة (الله يعزكم)واستخدمته حوالي شهر او اكثر <<نسيت المده من كثر الخلطات

ومااتغير شعري <<الريحة اووووف كني بزريبة غنم وبل

رحت لدكتورة جلدية قالت لي انتي فيك بداية صلع مبكر(عمري 26)مافيه الا البخاخ تستخدمينه طول العمر

وانا والله اتعبت من العلاجات والخلطات :09:

والبخاخ يضر الحمل وانا متزوجة خايفه لااستخدمه

بنات ادعولي ان الله يشفي شعري من الصلع والله تعبت وكل مارحت مشغل سالوني ايش فيه شعرك وبعضهم احس

انهم ينفرون منه وكل مااروح لمكان اتعب على شان اغطي الفراغات

دعوااااتكم

عذرا علاطالة بس حبيت افضفض لكم