الصمت العقابي القاتل

السلام عليكم
انا وزوجي نتهاوش كثير بصراحه هو كسول جدآ
عطشان يناديني جيبي مويا ...حتى لو مشغولة يقول اتركي كل شي وجيبها
قبل مايستحم يناديني وين ملابسي جهزتها حتى لو كنت بالمطبخ وهكذاااا
وانا اتحمل واسكت واذا كنت مشغولة كثير أرفض ويخاصم
آخر موقف صار قبل يومين ..تعرفون كانت اختبارات واراجع للولد الصباح اختباره واعصابي مشدودة الا يطلب مني اسوي فطور له طبعا هو الآن مفصول من العمل وينام الصباح ويجلس العصر
يعني ماوراه دوام ولا شيء. قلت له مشغولة
قال بموت من الجوع ..لازم تسوين قلت ايش تبي
مارد علي .سألته مرة ثانية قال انتي اللي تطبخين .
سويت أسهل شي بيض يوم جيت احطه الا يقول مابي بيض انا طلبت شي خفيف ..انا هنا انقهرت وارتفع صوتي اقول له كيف يعني أسألك ماتجاوب
ويوم اني سويته ماتبين كان قلت قبل .قال ابي ساندوش لبنه هذا خفيف ...قلت له تبي شيء اذكر الاسم انا شدراني وبعدين مافي لبنة بالبيت وانت تدري.قال الآن اجيب وجابها وقال تسويها الآن قلت ما اسويها
مو فاضية .وهو زعل مني .
كملت مراجعة للولد وراح المدرسة .
حسيت اني ارتحت وهديت قمت بعدين سويتها له واعطيتها اياه ورفض خليتها جنبه واكلها .
من بعدها سااااكت مايتكلم معاي وانا زعلانة لان هو مايهتم لانشغالي ولا يراعيني واذا عصبت يلومني يبيني كله تم وابشر وحاضر بكل الاوقات والحالات تعبت والله العظيم تعبت اراعيه وادلله لكن في اوقات خارج عن السيطرة ..هو مايراعيني ولايسوي اللي اطلبه ابسط شي لما اروح لأهلي اقول له لاتتأخر مرني بدري مايمرني احدد له وقت ورجيني بعده بساعات تكون امي نعست وعيالي تعبوا وناموا بكل شي يطلع روحي وانا يبيني آلة
عند اتفه مشكلة يخاصم ..صار شي زعلت مني اوك ناقشني كلمني تصرف بنضج ..لا هو مايسمع كنت قبل من كثر ما اني ما احب المشاكل كان اذا زعل اروح ركض أراضيه ويفشلني مايقبل وكنت انهار وابكي ...بعدها صرت ما اعتذر منه اذا ما اخطيت ..الآن هو صامت صامت ماتتكلم ولا كلمة واذا يبيني يجي زحف يقول تنفذي الواجب ..وانت ليه ماتشوف واجباتك ..يابنات شوفوا علي شسوي اذا تجاهلني ..هو يمارس حياته طبيعي وانا بعد ما ابين له انه يهمني لكنه يعرفني و يدري ان تصرفه يقهرني ...فكرت اقول له اني قدمت شكوى عليه بحقوق الإنسان وبيجي استدعاء حتى يتوب ..مدري شسوي مخنوقة يكلمني وقت مايبي ويخاصمني وقت مايبي احس بعد العلاقة بشعور سيء لاتقولوا ان يراضيني بالعلاقة لا لأن بعدها يرجع صامت ياخذ حقه ويكمل صمت .اشفق على نفسي من تعامله معاي مو عارفة اتصرف شوروا علي