الصمت القاتل بيني وبين زوجي

بعد التحية والسلام
وبعد تفكير طويل دام شهور مو أيام
قررت أكتب مشكلتي يمكن القى لها حل
ارجو منكم ان تساعدوني .. تنصحوني .. تصححوا اخطائي
انا متزوجة من مدة 6 سنوات وعندي ولدين
المشكلة اني بعيدة عن اهلي ولا لي صديقات ولا جيران ولا اقارب الا اهل زوجي وما اجتمع معاهم الا في النادر
زوجي من النوع الصاااااااااااامت وعنده مبدأ ان الحرمة لازم ماتعرف ولا شئ ولا لها شغل في اي شئ ولا تعرف عندي كم ولا صرفت كم ولا .. ولا ... ولا..
مو هنا المهم ..
عمله من 8 صباحا الى 4 عصرا لما يجي من العمل يتغدى ويريح شوي ويقوم وكله بصمت حتى لما اجي اتكلم يسكتني بطريقة مهذبة جدا
وطول الوقت يقول لي ما عندك شئ تساويه .. لا تقعدي فاضية كدا .. ؟؟ ايش سويتي من الصباح؟؟
وما يقتنع لما اقوله يادوب رتبت واكلت وحميت الاولاد وطبخت..
ما ادري هل انا غلطانة ولا ايه
وما ادري ايش المتزوجين لما يقعدوا مع بعض ايش يسووا .. يعني معقوله هو يجي من العمل بعد هذه المدة وانا اقوم انشغل في اي شئ انا مو عارفة
لما اقعد جنبه احاول اكلمه .. ما يحاول حتى يطالع في عيوني..؟؟!!
المشكلة اني انا مع اني لا اخرج ولا اشوف احد ولا اتفرج تلفزيون ما عندي حتى موضوع اتكلم فيه معاه
وهذا زاد من الصمت اصبحت صاااااامته اكثر منه
بس هذا مو حال انا مررررررررررة متضايقة وابغى حل..
فكرت اخرج الشغالة واشتغل في البيت يمكن ساعتها يحس اني بأسوي شئ؟؟
ما ادري..؟؟؟
ارجوكم ساعدوني .. كلموني.. شوفولي حل