رغدهـ

رغدهـ @rghdh_3

محررة ذهبية

الصوت اه على الصوت دلع ومياعه

الأسرة والمجتمع

اخر انسانه تشك انا بختصار ثلجة ليش 
اول شي زوجي انسان عادي من كل النواحي مافيه اي جاذبيه والحمدلله ابد شخصيته اذا تعرفون وليد الدواس كانه اياه هههههههههه 
لكن شغيل وفزيع وعنده شعبيه في دوامه والموظفين والموظفات يحبونه مدرائه يعشقونه ومايرفضون له طلب محبوب للجميع ماشاءالله تبارك الرحمن 
اذا غاب عن دوامه الكل يدق من دوامه ويسأل عنه 
اذا احد يبي ينقل من قسم القسم مايجون الا عند زوجي يطلبون فزعته لانهم يدرون ان كل مدرائه يحبونه ومايرفضون له طلب  رغم انه مجرد سكرتير عند المدير حقه 
لكن لانهم يعرفون معزته عند الكل دائما يستفزعون فيه.. 
المهم اللي حصل مره من المرات
دق جواله رقم غريب وضغط السبيكر كنا بالسيارة
الا موظفه بنت صوتها دلوع  وتتنيعم زياده  قال زوجي من قالت فلانه توتر قال مين قالت نسيت عطيتني رقمك بالدوام يوم اقولك ابي انقل عن مديري وقلت لي خذي رقمي واتصلي علي بعد ماتطلبين من مديرك نقل وتعلميني وش يرد شكلك نسيت
قال اييه تذكرتك فلانه انتي ايه وش فيه ؟؟ قالت فاتك فاتك وتبداء عمتي تسولف معاه كأنها تسولف مع خويتها لو بحلف حتى اخوها ماتمون معاه كذا سوالفها دخلت على المدير وكان معصب ثم قال  ليش بتنقلين صح بسالك يافلان تقصد زوجي انت سافرت ولاباقي وحنا فعلا بنسافر قال هاليومين بسافر بس بخلص موضوعك قبل أسافر بأذن الله قالت زين اجل اشوفك بكرا الصباح واكملك السالفه مع السلامه،،، طبعا يمكن الادمية بتخلص من مصلحتها وتتوكل  ما احط في ذمتي لكن الميانه الزايده هذي مع الحريم ماريحتني وتوزيع رقمه عليهن برضو ماريحتني ولا اعجبني ابد خصوصا اذا اقسام ثانيه وماله علاقة عمل معاهن  
طبعا قلت الزوجي سلامات وش دخلك فيها تفزعلها قال مسكينه مديرها متسلط عليها وبنقلها قسمنا قلت تراها تتدلع بالمكالمه حريم ونفهم البعض اتذكر دقت وحده على زوجي موظفه كان اسلوبها حاد وواضح انها جايه للشغل فقط واي مكالمات تكون للشغل وبأسلوب حاد ورسمي اما هذي تدلع واضح ماهي مزبوطه قال ياشيخه فكيها ولاتدققي طنشت وقلت  بيني وبين نفسي ياشيخه ٥٠ بالمئه من الدوام نساء اذا بجلس اهوجس بتعب والبلى في زوجي اللي معطيهن وجه ،،راحت السالفه ومشت الايام والاشهر لاحظت بالفتره هذي زوجي متغير كثير بالواتس يتبوسم جواله مايبيني امسكه، يطالعني شفيك مكتمه احس فيك شي رغم انه اكون طبيعيه ومو مكتمه لكن هو كانه خايف من شي مره كان متحمس مررره بالجوال والواتس وجبتها مزحه برزحه قلت انا احس انك وضعك ماش ليكون حريّم على قولة جهير بالعاصوف 😂😂 قال لا والله ويلف بالجوال علي يقولي طالعي طالعي قلت مابي اطالع وبس ابي امسك جوالك وافتش الواتس اذا صادق قال هاااه ويتغير وجهه ويضحك بتوتر وقال جيبي السحور اللذيذ  يا اطلق شيف ،، انا مدحه هذا شككني ماتعودت عليه لطيف كذا 🤣 شر البليه مايضحك وبنفس الوقت أستغفر الله ضاق صدري ومغصني قلبي وبنفس الوقت اقول ان شاءالله انه اعقل واثقل من كذا تدرون لطافته هذي ودلعه لي خلاني اشك بزياده وفوقها خوفه يوم قلت عطني جوالك افتشه ياربيه هاالرجال استغفر الله العظيم مراهقين يبتلون رمضان وشهر عباده وهذا الله اعلم وش وراه 🥲🥲
16
2K

يلزم عليك تسجيل الدخول أولًا لكتابة تعليق.

تسجيل دخول

~ 1
~ 1
اوكيه انا مر مع فكرت شك و من ذا الكلام و مع انو المفروض نتعايش بالبيئة ذي لانو اغلب الاعمال صار اختلاط بس وحده تتكلم بدلع كذاا ما اقدر والله لو اخذتي النصيحه مني اقولك لاتسيبي الموضوع خلي يعرف انو عندك حدود من ناحيه تعامله مع زملائة البنات فالدوام لازم تزعلي و يعرف
رغدهـ
رغدهـ
~ 1 ~ 1 :
اوكيه انا مر مع فكرت شك و من ذا الكلام و مع انو المفروض نتعايش بالبيئة ذي لانو اغلب الاعمال صار اختلاط بس وحده تتكلم بدلع كذاا ما اقدر والله لو اخذتي النصيحه مني اقولك لاتسيبي الموضوع خلي يعرف انو عندك حدود من ناحيه تعامله مع زملائة البنات فالدوام لازم تزعلي و يعرف
اوكيه انا مر مع فكرت شك و من ذا الكلام و مع انو المفروض نتعايش بالبيئة ذي لانو اغلب الاعمال صار...
قلت له سلامات صاحي انت وش تبي فيها  لاهي بنفس قسمك ولاهي يمك وبعدين اسلوبها يارجال واضح تتدلع شف  مو نفس فلانه دائما تكلمك في موضوع الشغل فلانه هذي موظفه معاه بنفس قسمه لكن الادميه أسلوبها حاد ورسميه واضح عليها جايه تشتغل  لكن هذي والله وضعها ماش وتفتح معاك مواضيع وتبي تسولف قال فكيها ياشيخه لاتدققين وطارت السالفه ونسيتها 
عفة مهره وروح خيال
الله يسعدك أعجبني أسلوبك وطريقة سردك مرة ما شاء الله
الله يسخره لك يارب وتطلع شكوكك ماهي في محلها
نور
نور
اتركيه لا تراقبينه 

وما شاء الله عليك سمعتيه كلمتين عشان يعرف حدوده 

خلاص اتركي الموضع لربه 

انتي ما بيدك شيء 

لانك اذا زودتيها في النق وتكبير حجمها 

انه فعلا راح بيحطها براسه 


طنشي 
رغدهـ
رغدهـ
الله يسعدك أعجبني أسلوبك وطريقة سردك مرة ما شاء الله الله يسخره لك يارب وتطلع شكوكك ماهي في محلها
الله يسعدك أعجبني أسلوبك وطريقة سردك مرة ما شاء الله الله يسخره لك يارب وتطلع شكوكك ماهي في محلها
نهدي أعمرنا بالسرد الطريف 😂 الحمدلله على كل حال 
مرات اقول بيكلم وبيجرب وبيطالع مدام انهم قدام عينه ومعطيهم مجال وهن عادي عندهن 
طايحين بالصداقات العمل  مثال اكلمها مثل صديقي واخذ واعطي معاها كصديقه ،، لكن انا هالشي ما اقبله ابدآ  واعجز اتقبله اجل وحده داق عليها قدامي يبي اسم الدكتور اللي مدحته للاسنان سلامات!!!! يقول عادي معي بالدوام وبعد ماخلصنا اجتماع وطلع المدير جلسنا ندردش شوي حنا بالموظفين وجا طاري الدكاتره وخابر انها مدحت طبيب اسنان ودقيت عليها أسألها عن اسمه وفي اي مستوصف وش فيها؟؟  ابد مافيها شي ياحبيلك بعد اعزمها الملحق تتقهوى معاك 😂