الصيفية قربت واكيد بتسافرين طيب وبيتك ؟؟

السلام عليكم يابنات
طبعا زي ماهو واضح في العنوان الصيفية قربت واغلب الناس تجهز للسفر طيب اكيد قبل تسافرين بترتبين بيتك
ابغى كل وحدة تدخل تقول ايش اهم الاشياء اللي تسويها ببيتها قبل تسافر خلونا نستفيد من خبرات بعض
عن نفسي
قبل موعد السفر ابدا بتنظيف البيت كامل من الى جدران ومراوح فرن وثلاجة وفريزر ووكل شي يخطر على بالك يعني اطلع من البيت وهو يلمع كان عندي عزومة
ثانيا اشيك على المعلبات واشوف تاريخ الانتهاء اذا باقي فترة طويلة اخليها واذا لا اما احاول اطبخها قبل السفر او اعطيها جاراتي اذا جديدة
بالنسبة للثلاجة الخضار اللي عادي تتفرز على طول عالفريزر زي الطماطم والفلفل والليمون والجزر اكيد فهمتوا الفكرة يعني الثلاجة لازم تكون فاضية تقريبا الا من الاشياء اللي تاريخها باقي عليه وحاولي ماتتركين وراك لحم او دجاج لان يمكن لاسمح الله تطفى الكهرباء وتعفن وتصير مشكلة انتي في غنا عنها:icon28:
طبعا اخر فترة قبل السفر احاول ما اشتري اغراض للمطبخ زيادة واطبخ من الموجود الا الضروري طبعا
بالنسبة للحمامات مع اني مركبة العلب اللي تسد المرحاض الا انه احياناتطلع صراصير مو دائما ناااااااااادرا بس انا تحسبا للضروف (حلوة تحسبا)خخخخخ احط اكياس نايلون او اي شي المهم يسد الفتحات واقفل مراوح الشفط والسخانات وافصل افياش الغسالات وطبعا قبل اطلع القي نظرة عامة وكل شي نظيف ومرتب وبعد مااطلع احط جرايد او اكياس نايلون اي شي يسد الباب الخارجي من تحت عشان مايدخل شي من برا البيت وبكذا استودع الله بيتي وافحط من الفرح لاني بسافر اخيرا

طبعا البعض يقول ليش امسح وارتب وانا برجع وانظف من جديد اول شي امي دايم تقول لاتطلعين من بيتك الا وهو نظيف سواء خرجة عادية يعني تمشية اوزيارة او حتى سفر يعني لو احد دخلة من بعدك يكون كل شي مرتب طبعا الغبرة هذا شي مو بيد ك وانا قريت كثير عن مواقف زي كذا انا مرة سافرت ورجعت معي اخت زوجي والحمدلله انا متطمنة :)اول مادخلت البيت واخذت فرة فيه قالت ماشاء الله البيت مرتب بس فيه شوية غبار وانا ارتحت نفسيا حتى ممكن بعض الاوقات يظطر زوجك :arb:يرجع تخيلي رجع معاه احد وانتي البيت بعدك حوسة :icon33:
اسفة طولت:09: بس ياريت تسدحون خبراتكم وتفيدوني واتمنى مااكون نسيت شي لاني مستعجلة في الكتابة وشكرا