شكلي بانضم لكم

بسم الله الرحمن الرحيم



السلام عليكم ورحمة الله وبركــــــــــــاتة


هلا وغلا ومسهلا بأحلى مشتركات ومتابعات بصمت ومن خلف الكواليس


(( أنتي الأجمل الأروع الأرقى والأحلى ))


بتكلم لكم عن سر جمال الشعر وطرق العناية فية
وبنزل لكم باذن الله جدول سهل ومبسط

انواع زيوت تساعد على تكثيف شعرك وتنعيمة

الخلطة الاولى اسمها (( ريحة بس مستريحة ))
سوتها وحدة من اخواتي لبنتها الصلعاء وماشاء الله شعرها الان كثيــــــر وناعم وقوي


المطلــــــــــــــــوب:


· زيت شعرك اللي انتي متعودة علية مثـــــال
(( دابر املا او فتيكا او عافية او النارجين ))
· بيالة فيها ثوم مفروم

التنفيذ :

*يوضع الثوم في العلبة اللي فيها الزيت وتغلق باحكام لمدة خمس ايام
* يصفى الزيت من الثوم ويوضع في علبة جديدة
* يستخدم بواسطة حقنة بدون الابرة زي اللي بالصورة علشان تقدري تحطي على كل فروة الراس باتقان وبالذات الاماكن اللي الشعر فيها قليل
*بعد وضع الزيت على الفروة والشعر ارفعي شعرك فوق واستغلي الوقت بعمل خلطات
* انا ما احدد كم تخلين الزيت على شعرك عادي ساعتين او اكثر مو مشكلة واللي يقولك اذا زاد عن ساعتين مضر هذا كذب
والله امي زمان كان الزيت ينقع بروسنا انا واخواتي والحمد لله شعورنا خيال ماشاء الله لاقوة الا بالله
· بنات ريحة الزيت ترى بتصرعك وووع وووع بس نتائج مبهرة وسريعة
· علشان كذا سميتها (( ريحة بس مستريحة ))




تنبيــــــــــــــــــــــهات

· لاتغطي راسك بكيس نايلون بعد وضع الزيت او أي خلطة للشعر
(( خالتي تقول زمان يوم كانو يبون يخففون من شعر الغنم يلفون علية نايلون لين الصبح وبعدها يطيح الشعر))
اسالو الناس الكبار اللي عندهم غنم

· حتى لو كان فروة راسك دهنية لابد من تغذية شعرك بالزيوت الطبيعية
· اللي تبحث عن تطويل الشعر عليها بخلط زيت السمسم مع زيتها العادي

(( خيـــــــــــــال ))


· اعرف وحدة قالت تبي تصبغ شعرها في البيت المهم جابت الصبغة ونفذت التعليمات وقعدت تنتظر 35 دقيقة علشان تغسل شعرها من الصبغة شاء الله سبحانة وتعالى وكبس عليها النوم صحت بعد ساعتين وشعرها طايح جنبها والله بغت تنجن على وجة العيد وش ذا المصيبة الشعر طاح بح باي باي نصحتها وحدة بالجرجير ايش سوت عصرت الجرجير زين زين وصفتة وحطتة في مرش وكا ساعتين ترش على فروة راسها وتدلك
شفناها بعد شهر ونص صحيح ان شعرها قصير جدا بس كثيــــــــــــــــــــر جدا





· لاتحرمي شعرك من الاكل خلية ياكل ويتغذا (( جرجير وخس ))
كل ماكثرتي اكل منهم زان شعرك
· لاتهلكي شعرك بالاستشوار
· انتبهي انتبهي انتبهي تشحدي شعرك ترى مراح يبخل عليك

(( يعني لا تقعدي تسحبين بشعرك كل شوي ترى يطيح ))
· لاتقعدين على فرقة وحدة للشعر كنك جدتي كل يوم غيري الفرقة
· اذا تبين شعرك يطول حاولي ماتشوفين طولة كل شوي (( انسية ))
· سوي جدايل تراها رووووعه بالذات حقت زمان اللي من يمين ويسار
(( هههههههههههه عاد يشوفك ابو الشباب ولى واحد من اخوانك ياسلام ))


..........................................

تونيك خويتي تشترية من الصيدلية ب 230 ريال وانا اسوية في البيت يابلاش
بنات خويتي تشتكي من الصلع بفروة الراس
( الحمد لله الذي عافانا مما ابتلاها فية وفضلنا على كثيرا من خلقة تفضيلا كثيرا )

فوائد هذا التونيك المنزلي اللي سميتة (( شبيك لبيك سوريسور بين ايديك ))

· ضمان جودتة لانة من صنعك
· ماله أي ريحة لان الريحة تروح بالطبخ
· كانك شريتي تونيك سوريسور اللي علية صورة ثوم صنع في اليابان مجانا بدل 230 ريال في علبة وحدة
· مع الاستمرار علية فترة البرنامج راح يكثر شعرك باذن الله


المطلـــــــــــــــــوب :




· بصلة متوسطة الحجم بقشورها
· اربع فصوص ثوم بقشورها
· 3 اكواب ماء
· وعاء لطبخ بغطاء محكم
· مرش فاضي
· حماسك وشجاعتك

التنفيــــــــــــذ:
· يوضع الماء في الوعاء على النار
· يوضع البصل بقشورة بعد ان يقطع قطع كبيرة
· يوضع الثوم بقشورة بعد ان يقطع قطع كبيرة
· يغطى الوعاء جيدا ويترك ليغلي على نار وسط لمدة 20 دقيقة
· ينزل الوعاء من على النار ويترك ليبرد تماما وهو محكم الاغلاق
· بعد ان برد الماء يصفى ويوضع في مرش فاضي
· يستخدم قبل وضع الزيت الاول بساعتين
· او يستخدم كل يوم



صور مســـــــــــــــــــاعدة


بصل وثوم



حقنة للتوزيع الزيت على الفروة باتقان بدون راس الابرة




مرش فاضي






اتمنى اني افدتكم
وتر باقي اسرار للشعر كثيرة بنزلها لكم باذن الله

روووووووووووووعه ياميس يسلمو على هيك قروباااات

روعه كلامك ياميس وانا ان شاء الله مستمره على زيت عافيه بالحلبه المطحونه لاني مجربتها من قبل وناسبتني كثير وانصح اي وحده تبي شعرها يطول بسرعه تستخدم حبوب كبد الحوت سفن سييز بس انتبهوا تراها تسمن

احبك يامس قهوة
ابغا اشترك معاكم ممكن