الحين انت وينك!؟
بيتك والا بيت اهلك؟
اسمعي ياقلبي انت إنسانه ربي أكرمك زوجك واعلم ضروري يعرفوا انه مايحق له يمد يده عليك
الله يصلح الحال ويسخره لك
ادعي له بالهداية
والزمي الاستغفار والدعاء

قريت رد لوحده نسيت من هي تقول باحد المواضيع ان زوجها دايم يسوي لها مشاكل وأنها هربت لأهلها وتعدل وصار زوج تمام بعد ماكان هاينها
هي بردها كانت ترجو خيرا لكن للاسف ربما يكون ردها يخرب بيوت لان مو كل الازواح مثل زوجها
فيه بعض الازواج مايتعدل الا اذا هربت زوجته لأهلها
والبعض الاخر لا ماراح يتعدل ولا راح ينسى هذا الموقف ويعاير فيه زوجته ويذلها فيه طول عمرها
والبعض الاخر لو تهرب وتجلس 100سنه مايفكر يرجعها
يعني بالعربي لاتجي وحده تقول بهرب لاهلي لأجل تنحل مشكلتي مثل مشكلة فلانه طيب انتي زوجك مو مثل زوج فلانه وربما هو ينتظر هروبك من سنين
اي متزوجة لاتفكر باي شي الا مصلحة اطفالها فقط
وانا اقولك الان زوجك حطيه على جنب ولاتفكري تسوي اي شي لاجل تأديبه او ردعه لان ابو طبيع لايمكن يتنازل عن طبعه فقط فكري باطفالك والاصلح لهم
حتى الان في خضم المشكلة فكري باطفالك وافعلي كل ماهو من مصلحة استقرارهم لو شفتي الامور تعكرت معه ومستحيل يرجعك ارجعي بيتك لاجلهم باي طريقة المهم بعض الازواج ماهمهم لا انتي ولا اطفالك مايفكروا الا بانفسهم وانه عندي كرامه ومستحيل اعتذر لحرمه ومن هذل القبيل وعادي عنده تتخرب حياته الزوجيه ويدمر استقرار اطفاله بموقف سخيف او تافه
لكن انتي خليك الان الاعقل والافهم لان غالبيتهم بلاعقل ولا يفكر الا بنفسه ويجيه كلام من المحيطين فيه خل عندك كرامه وخلها هي ترجع لوحدها زي ماهربت من نفسها
المهم الان انتي لاتبحثي عن اعنذاره لان الازواج اللي يتعتذرون ممكن 5%
وممكن 95% مايعرف قانون الاعتذار ولو تخرب حياته كلها وماهمه ابدا والاهم انه مايتعتذر ابدا لحرمه لان يشوف هذا الشي اهانه له ولا يبين انه غلطان خصوصا عن اهل زوجته لو كنتي في بيته ممكن يعتذر منك اعتذار سطحي لكن امام اهلك مستحيل يبين انه غلطان
الان اقولك انسي كل شي وفكري فقط بالاصلح لاطفالك لو تخلي اخوك يرجعك لهم اذا شفتي مستحيل هو يصلح الامور قبل تكبر المشكلة ارجعي لهم باي طريقة تحبكيها ولا تدوري عند الازواج كرامه واتذكري ان اكبر كرامة لك انك تعيشي مع اطفالك مو تنخرب حياتك لاجل موقف تافه فاذا شفتيه بايع انتي كوني انتي الشارية واشتري الرجوع لاطفالك باي طريقة قبل يطيح الفاس بالراس واستغلي الاجازه انك مثلا بترجعي لبيتك عشان اطفالك يستمتعوا بالاجازه بقربك المهم شغلي مخك
فاللي يناسب زوج فلانه ممكن مايناسب زوجك فاذا شفتي الامور تعسرت وتوترت اكثر واتشربكت المشكلة اكثر اكثر انقذني الموقف من البداية فأنتي العاقلة وانتي المضحية
وهو اجعليه صفرررر على الشمال
وانتي سيدة الموقف وسيدة الاصلاح وهو اعتبريه طفل فلاتخربي حياتك لاجل زوج بايع بعقل طفل وحلي امورك بعقل وليس بالبحث عن كرامه عنده او اعتذار
ولاتعكريها اكثر لاهنا استوب الان لاتفكري بكرامه ولا مشكلة ولاتنتظري منه اعتذار فقط فكري بالحلول للخروج من هذه المشكلة وليس تعقيدها فكري بكيفية الرجوع لاطفالك لكن بحكمه واطلبي العون من الله وثم الاصلح من اهلك في حل المشكله في هذا الاسبوع او اللي بعده كحد اقصى اطفالك ومستقبلهم بيدك بعد الله فلا تضيعيهم ولن تضيعيهم اذا كنتي ام عاقلة👍

تعرفين تأدبينه ببيتك أو لا ردي علي ؟
كلام اختي قوت صحيح انتي الملكة وكل شئ بهالبيت بيدك انتي مو هو ..
وانتي بإرادتك تخلينه ملك جنبك أو خادم 😼
وجعلك له صفر عالشمال هي بداية التربية .. مستعدة وتعرفين أو لا ؟

الله يهديكم