الضرب ممنوع في المدارس و فيه تعاميم تحذر و تتوعد من يقوم بهالتصرف الغير اخلاقي ..
انصح كل أم ينضرب ولدها او بنتها ترفع شكوى عاجله للاداره و راح تلقى الي يرضيها ..
أنا مريت بهالتجربه : انضرب ولدي كف على وجهه في أول يوم دراسي ورفع ابوه شكوى لمدير التعليم في المنطقه و كان المدير بينهي الموضوع وديا لكن أبونا ما وافق الا بشرط أن المدرس يعتذر لولدي قدام الفصل . اليوم الثاني راح أبونا المدرسه قام المعلم سلم على رأس ولدي و اعتذر وأنه ما كان قصده و ان الكف خفيف ( اعذار واهيه)..
النظام يقول أن الطالب لو حصل منه تصرف خطأ يتم تحويله للمرشد الطلابي و المرشد أن ما انحلت معه المشكله يخاطب ولي الامر ..

شاااكرة لكم مروركم واشكر ارائكم الرااائعة

مدري يمكن ع حسب المدرسه زوجي معلم ومستحيل يشيل مسطره بيده او يعاقب شي بدني بس اعتقد هذا كله بيد المدير وادارته للمعلمين ..وبعدين مدارس خاصه وكمان ضرب وربي قهر يالله الخيره لاتسكتين هذي اهانه وغير كذا انتي دافعه لراحه ولدك مو تعذبينه

تخيلي بقولكم موقـــف صار لصديقه اختي

اللحيــــن أختي تدرس بصف رابع وآخر السنه اللي فاتت لما كانت بثالث ...صار ها الموقف


تقول صديقتي جنبي وتعبانه مررره وماسكه بطنها بترجـــع ..


وتروح للابله تقولها ابي دوره المياه والمدرسه تقولها لا

ورجعت قالتلها قالت لا


والبنت ماقدرت تمسك نفسها ( رجعت ) قدام الابله وجاء على تنورتها

وعلى أوراقها ...وقعدت المدرسه تصارخ وتهاوش البنت وطردتها برا الفصل

ومن البكره ..كانت الابله هاذي تنادي البنات تسمع لهــم وتناديهم وحــده وحده .. يجون عندها ويسمعون

ولما جتها البنت قالت انتي الي رجعتي امس ليــش وليـــش وتقعــد تهاوش في البنت وتعطيها كف على وجهها

قسم با الله حزنتني بقووووه مسكينه طيـــــــب أنتي اللي رفضتي انها تروح دوره المياه

فيها نقص عقــــل ها المدرسه الله يشفيها بس ويشفيها امثلها من الابتلاء اللي صايبهم

انا عندي ولدين بمدرسه حكوميه ماقد احد ضربهم اصلا ممنوع..يمكن بس المدارس الخاصه يمكن ينضغطون من الشغل والحصص الكثيره مع قلة الراتب يمكن ترى وهذا ينعكس على شخصية المدرس ومايتحمل وعلشان كذا يضرب...(صرت محلله)