(السماء الصافيه) :

انا عملت عمليتين لضرس العقل المطمور لاتخافين اختاري دكتور ممتاز وبعلمك بتجربتي عشان تستفيدين انا الدكتور لما جاء بيسوي لي جراحه ضرس العقل قال تأخذين ادويه قبله لمده ثلاث ايام وبعدها نسوي الجراحه وكتب لي اسماء الادويه وحتى اخوي واختي لما سوو جراحه بضرس العقل قال لهم دكتور ثاني نفس الكلام فالمهم لما رحت لموعدي وطبعا انا ملقوفه رحت تفرجت على مقاطع باليوتيوب ومت من الفجعه اصحي تسوين زيي والمهم ناس خوفتني ونفس الدكتور خوفني وضربتني نفسيه ورحت اشاور دكاتره ثلاث وحالتي حاله ومعي خوف لين جاء موعد جراحه الضرس وعود الدكتور انفجر علي قال خايفه من ايش هذا سهل زي تقليم الاظافر راح تكونين تحت التخدير ماتحسين بشيء وبعطيك ادويه مسكنه وخلاص مافيه مشكله وقبلها سألت بحواء ووحده الله يجزاها خير شجعتني وقالت سويته مره سهل وحمستني والمهم لما جاء الموعد وانسدحت على السرير عطاني الدكتور ابره التخدير وقال روحي بالاستراحه وبعدين الممرضه تناديك ورحت وجاء الموعد ونادتني الممرضه وعاد أنا قلت صعبه لو عيوني مفتحه اخاف وانا اشوف الاشياء اللي يدخلها فمي وقلت مافيه الا اغمض عيوني واجيب الغطاء واخليه على شكل اسطواني واحطه على عيوني واقعد ما اشوف شيء احسن لي عشان ما اخاف وانصحك تسوين زيي والهم بدأ بالمشرط ماتحسين ولا شيء مخدره وبعده بالاله اللي زي الشنيور يحفر فيك الين يوصل للضرس ولوصل له يقوم يدفعه ويكسره لاجزاء ويخرجه وصله وصله واخر شيء يخيط المكان بغرزتين مره سهل لا تخافين ويعطيك موعد تجين يفك الغرز وأنا حاليا مسويه جراحه بضرسي الثاني اليوم لي خمس ايام لسه عندي موعد لفك الغرز .. اهم شيء دكتورك شاطر وتاخذين العلاج على الموعد وتلتزمي بالتعليمات انه تأخذين سوايل شربه ولبن زبادي لمده ثلاث ايام وبعدين تاكلين اشياء مو قاسيه على جنبك الثاني وما تمضمضين لمده يومين وما تبصقين وماتشربين شي بالمصاص وماتفرشين الا بعد يومين وانتبهي الفرشه لاتوصل للمنطقه ومن ثالث يوم مضمضي بماء وملح وماتشربين شيء حار وحتى الشربه تشربينها وهي بارده .. وانا وحده قالت لي لاتسجدين لمده 4 ايام وطبقت كلامها ولسانك اصحى تحطينه جهه الجراحه .. والدكتور راح يحط لك شاش لخلص الجراحه تعضين عليه ثلاث ساعات واطلبيه يعطيك شاش بعد ثلاث ساعات تشيلينه بشويش وتحطين شاش جديد بداله وتعظين عليه لمده ساعتين وتشيلينه وخلاص وراح تلاحظين انك تنزفين دم ترى عادي اليوم الاول زي كذا واصحي تتكلمين بقوه خصوصا اليوم الاول لانه راح تنزفين وبعد ثلاث ساعات من الجراحه جيبي ايس كريم من اللي تاكلينه بالملعقه وكليه على جنبك الثاني مره ممتاز يوقف النزيف وخليك مرتاحه وممنوع تشيلين اشياء ثقيله او تجهدين نفسك بالشغل لازم تكونين مرتاحه .. اذا عندك اي استفسار انا حاضره .

انا عملت عمليتين لضرس العقل المطمور لاتخافين اختاري دكتور ممتاز وبعلمك بتجربتي عشان تستفيدين انا...

(السماء الصافيه) :

ايوه ويجيك ورم حدود 4 او 5 ايام تراه عادي حاله طبيعيه تسوين كمدات ثلج على خدك سوي زيي انا جايبه كيس معبيته ماء وحاطته بالفريزر قبل ما اروح للدكتور بيوم والمهم من جيت من المستشفي جبت الكيس امسكه بمنشفه من تحت واحط عليه منديل واحطه على مكان الورم كذا تحسبين 5 دقايق وتشيلينه ثم ترجعينه 5 دقايق وتشيلينه وبعدين رجعيه بالفريزر كل بعد ساعتين او ثلاث كرري نفس الشيء وجيبي طاسه حطي فيها ثلج وماء بارد وهاتي منشفه اغطسيها فيه وحطي على خدك ويوميا كرري زي كذا واكثر من مره باليوم وبالنسبه لشفايفك اذا يبست ثاني يوم ادهنيها بفكس .. لاتخافين مره سهله وزي ماقلت لك اذا دكتورك شاطر ماتحسين بشيء وراح تكون سهله وحتى لرجعتي للبيت تلتزمين بالتعليمات اللي قلتها لك وخلاص .. واي استفسار عندك انا راح اجاوبك .

ايوه ويجيك ورم حدود 4 او 5 ايام تراه عادي حاله طبيعيه تسوين كمدات ثلج على خدك سوي زيي انا جايبه...