الضغط النفسي اثناء الحمل

بنات تكفون ساعدوني اذا ماتعرفون الجواب ارفعو الموضوع
انا في حملي الاخير تضايقت كثير من وحده وتوترت مررره بس مو لدرجه ارتفع ضغطي انا ماعندي الضغط ولا السكر الحمدلله بش وترتني وبكيت وتعرفون مع الحمل اي شي لو صغير وتافه بيوترك زياده و اذكر اني توترت كثير وقعدت متوتره كم يوم مو بس يوم واحد والحين انا حامل مره ثانيه ورجعت لرسايلي لاخواتي بذيك الفتره وقعدت اقراهم وكان واضح علي التوتر والزعل
كنت وقت المشكله والزعل نهاية الشهر السابع
المهم بعدين في منتصف الثامن سويت سونار و اكتشفت ان وزن بنتي وزن نهايه السابع (وقت مشكلتي ووقت ماتوترت) ما ادري هي كانت تنمو بضعف من زمان او ان نموها توقف فجأه لان ماكنت اسوي سونار كثير وولدوني بسرعه خافو تموت ببطني والحمدلله ولدت وقعدت بالحضانه
الدكتور قال لي يمكن جلطه خفيفه بالحبل السري لان ماكان في سبب ظاهر حتى المشيمه كانت زينه وانا ماعندي امراض الحمدلله
بس الحين صرت اتذكر وابي اعرف اذا في وحده مرت في تجربتي ووزن الجنين كان اصغر وولدوها الدكاتره بسرعه لوزن قليل اوضعف نبضات القلب لان كمان تخطيط القلب حق الجنين ماعجبهم وانا ماعندي اي سبب واضح لهالشي اللي صار
وهل يكون من التوتر اللي مريت فيه؟