الضغط عندي واصل حده

السلام عليكم
كيفكن بنات
والله أني متضايقة حدي
بما انه اليوم زوجي مو فيه
وخلصت أشغالي بدري تنظيف من إلى
جارتي عزمتني عندها هي وجاراتي الثانيات
وبما أني فاضيه وطفشانه
استأنست يوم أنها عزمتني
قلت لنفسي بروح أغير جو وارسلت لزوجي
ورفض قال بتروحين لامك وخواتك تجهزي غير كذا لا
عاد أمي وخواتي استحي منهن اربع أيام ورى بعض اروح لهن
الليله قلت بغير جو
ورفض وأنا اعرف ان سبب الرفض أنهن ماعزمت ضرتي
والي ماتعرف السبب
هذي ضرتي الي تهجمت عليهن عندي بالعشر الأواخر وسبتهن وشتمتهن
واكيد الف بالميه ماراح يعزمنها ولا يكلمنها
والله قاعده لوحدي وابكي وش ذنبي يرفض
يعني يبيني أقول تكفن اعزمنها
حرمني الوناسه الله يحرمه العافية هو وضرتي
قادر ياكريم
وش بيضره لارحت وتونست وهذي الي عزمتني الباب على الباب حتى مابيني وبينها شارع على طول جنب بعض
قسم جالسه لوحدي وضايقه فيني
اشوف تصويرهن وأنغبن وأنا مالي دخل
فوق انها تهجمت علي وسبتهن وسبتني يحرمني من العزايم
يعني طبيعي ماراح يعزمنها
وارسلت له قلت هي مالها شغل بي مو لازم لاانعزمت تنعزم هي
هي مي مربوطه فيني لها عزايمها ولي عزايمي هي سافرت وراحت كل مكان وتوها جات ماقلت ليش
قال اجيك نتفاهم
وكلمه نتفاهم دايم يقولها بمنطوقه هو يعني انه إذا ناوي على شر
حسبي الله وكفى