الضنى غالي

السلام عليكم ورحمة الله وبركاته
مساء الخير
والله ماادري كيف أبدا..موضوع شاغلني مررره ومسبب لي قلق
انا عندي بنوته بتكمل سنتين
تخيلوا يابنات ماتتكلم كلللش بس ماما وبابا ودادا
ومرات تغلط بعد تناديني بابا ومره دادا
وتنادي ابوها ماما مع اننا دايماً نسولف معها ونلعب معها
وقلنا مو مشكله لازم بالبدايات تخربط وكذا
لحتى وصلت انها تنادي الناس الاغراب ماما وبابا
وربي ضعت معها
والكل وسوس لي براسي ليش بنتك ماتتكلم وليش بنتك ماتنطق بشي بنتك كبيره .....الخ من هالكلام
وانا بس عذري توها صغيره ماتهرج
المشكله مو هنا المشكله الاطفال اللي اصغر منها بعايلتنا ماشاء الله تبارك الرحمن يتكلمون هرج فصيييح جداً ومفهوم تخيلو لدرجة بنت خال زوجي عمرها سنه و4 شهور وتهرج هرج كبار ماشاء الله ربي يحفظها
وربي يابنات ان قلبي يوجعني عليها امس كانت فيه حفله كبيره باستراحه والاطفال اللي اصغر منها كلهم يتكلمون الا هي كل كلامها طلاسم وكلن يضحك عليها صغير وكبير اااه ياقلبي وقتها قلبي احترق بشكل مو طبيعي وانا ماعندي الا هالبنت يعني بكري
تكفون وش اسوي؟؟

{ايه ملاحظه صايره عصبيه وماتقعد كلش بس تروح بكل مكان ولاتخاف ابداً ابداً ابداً "ماشاء الله"

((الله يسعدكم وش اسوي الله يسعدك اجبروا بخاطري الله يجبر خاطرك وعطوني حل))