الضيوف الكثيرين ....كيف تضيفونهم .... ودي اقطهم على الشارع ... كل وحده تدخل تساعدني

الرفع

ما صار معي ها الموقف
الله يعينك

هلا حبيبتي والله يكون في عونك 0
شوفي هي الضيافه اولا واخيرا فن بس فيه ناس ماتحب تطلع عن التقاليد وعيب وما عيب فهي تعتمد على نوعية ضيوفك انا يجوني احيانا ضيوف بنات صديقاتي وامون عليهم فالضيافه تكون عادي هم يضيفون انفسهم اوانا ما تفرق 0
اما لوحريم كبار حتى لومن الجماعه فلازم اقوم انا اوحد ينوب عني بالترمس واقهويهم ولازم قهوه مايمشي لانسكافه ولا كبتشينو ولا خرابيط قهوه عربي فقط وبعده شاي طبعا 0
اما لومناسبه كبيره فتفرق اجهز من المطبخ كل شي ووحده من اهلي او انا امر فيه واضيفهم ما ينفع اجهز قدامهم او اخلي كل وحده هي تضيف نفسها لكثرة العدد فاتنحاس الدنيا 0
اذا طريقتك عادي هم متقبلينها او انتو جماعتكم كذا فما فيها شي خذي راحتك 00
اتمنى افدتك اختي 00

السلام عليكم ......
إذا كانوا يجونك الضيوف فجأه ..الله يعينك ..خلي البيت جاهز دوما ..لاستقبال الضيوف ..نظيف ومرتب .
وفي مجلس الرجال ..لو تضعين (شبَّه) ..أصبحت موضه الآن..وهي مربعة الشكل ..يشبون فيها النار ..ويصلحون هم القهوة والشاي ..يكون بجانبها دولاب صغير ..يحتوي على (فناجيل - كاسات - هيل - بن - وجميع مستلزمات القهوة والشاي - وترامس طبعاً ودلال)..مرتبة بشكل منسق..
أبوي يجونه ضيوف يومياً ..لأنه رجال متقاعد وفاضي ...فأمي كانت كثير تتعب ..فشافت الشبة عند بيوت خواتها وصديقاتها ..فجابتها واستراحت..
وأبوي انبسط ..وصار يعزم ناس أكثر وأكثر ......

شوفي عزيزتي
فيه الصينيه اللي تحتر يعني طول ماالقهوه عليها وهي حاره
فاذا بيجيك رجال
فوحي مويه ببريق ضيوف يكون كبير
وسوي دله قهوه كبيره
وفناجيل وبيلات وتمر وحطي صحون صغيره مرتبه فيه اكياس اللبتون ونعناع
وخلي الماء والقهوه على الصينيه هذي الحاره
وريحي نفسك
القهوه والشاهي بيظل حار والبيالات والفناجيل حطي العدد الضعف وانتهينا
هذي طريقتي بعد التعب أول كل شوي الباب يطق وين القهوه ووين الشاي وجددوا القهوه وجددوا الشاي
الله ييسر ويعين
ادعي لي ,,