لا للكآبة
آمين يالغالية فأسال ربي النصيب الطيب
الورده الندية
تسلميين للمشاركة فكرة الهدية ممكن بس اخاف يكو ن اعتراض من ناحية الادارة تعرفي معلمة وتهدي طالبة بتدور فيها بالمدرسة
وما تأيدي فكرة الفلوس
وكلامك صحيح الاخت بالاساس يمكن مفتقدة هالشئ ومو ملحقة على الصغار لمشاغل مثلا عليها
اسماء-m
الله يسكن والدتك فسيح جناتة
ومشكورة لنقل تجربتك والمعلمات كثير منهم الله يهديهم شديدات والطالبات يعصبونهم بعد
وما تأيدي فكرة الفلوس
واهو اليوم بالفعل بنات بس قابلتها بالدرج صدفة فسلمت عليها وقلت كيفك اليوم افضل قالت تمام قلت شفتي شلون حلوة مبتسمة خليك دايم كذا وبس هذا اللي صار اليوم
وبعد كذا انشغلت بهالحصص والاحتياط

انا توفت أمي الله يرحمها .. وانا في صف السادس ابتدائي..
وانا الحين في أول ثانوي ..

راح أقولك عن نفسي ..
أنا حاليا محد يدري في الفصل إن أمي متوفية ولا معلمات .. لأني ما أحب نظرات الشفقة أبدا أبدا .. واحب يعاملوني نفس باقي البنات ..
و يمكن افرح اشوي .. إذا في معلمة تهتم فيني وتسأل عني .. بس ما احبها تسوي هالشي لأن امي متوفية كأنها تشفق علي ..

و صراحة ما انصحك في الفلوس .. وعجبني موقفك معاها على الدرج .. حاولي دايما كذا تسألين عنها .. بتستانس كثيير وبتحس في أحد يهتم فيها .. وقولي لها إذا محتاجة شي أو عندك مشكلة تعالي عندي .. طبعا بإبتسامة بترتاح لك اكثر ..

وصراحة أعجبني شعورك .. ماشاء الله عليكِ .. والله يجزاش الجنة..

ما شاء الله البنات ما قصروا..

قولي لها اذا نجحتي امك بتكون فرحانه علشانك..

اسالي عليها من بعيد لبعيد..

اذا عندها هوايه شجعيها عليها حتى تنشغل عن التفكير..

بارك الله فيك وجزاك الله خيرا..

حبيبتي وجدان الآموره

بارك الله فيك وكثر من أمثالك

أبنتي لابد اتراعي عدة امور في التعامل مع اليتيم وهي كالتالي

1-لابد ان تشعريها بان ماحدث لها خارج عن قرة اي شخص وهو من تدبير الله لحكمته تعالى

2-عدم المبالغه في اظهار مشاعر التعاطف لأن هذا قد يفعها لأستغلال الجميع وربما يتكون لديها احساس بالنقص او الأنانيه واستدرار العطف وكلها مشاعر سلبه

3- المحاوله قدر المستطاع ان تعامل مثل غيرها

4-تنميه الأحاسيس الأيجابيه لديها مثل الثقه بالنفس وقرتها على تجاوز هذا ألأمر

5- الحرص على تقربها من الله والدعاء لوالدتها

ان التعامل مع اليتيم كما لوكان مختلف عمن سواه اثاره السلبيه اكثر من الأيجابيه

الرسول نشاء يتيم وكان افضل البشر

الأهم التمثل بقوله تعالى {وأما اليتيم فلا تقهر}

وفقك الله لما يحب ويرضى

*أليسار*
الله يسكن الوالدة فسيح جناته
وتسلمين للمشاركة
برضوه ما تايدي الفلوس ونبهتينا لنقطة انه ما نخليها تحس بالشفقة فيكون من باب ود بس
:)
كلام الحب
هلا وغلا بيك ومشكورة لردك وفعلا الهواية بتشغل بالها بشئ مفيد
العون
الله يعطيك العافية يا غالية
4-تنميه الأحاسيس الأيجابيه لديها مثل الثقه بالنفس وقرتها على تجاوز هذا ألأمر
وهذا اللي تحتاجه عشان تستمر بهالحياة
:)
والمشكلة بنات مع جدول الحصص مضغوط يدوبك وقتي قليل بس حلو هالاسبوع جمعت الافكار وبابداء شوي شوي معها