الطبخّـــااات والحيليّـــــات يساعدونـــــي

السلام عليكم
ماعرفت وين أحط الموضوع..
كان ودي أحط الموضوع في قسم المطبخ لكن قسمهم يخص وضع الوجبات ماهو للأستفسار
الطبخااات واللي عندهم حلول وحيله هم اللي بيساعدون في تحضير الوجبات..
ياأمهاات اللي ماعندهم خادمات كيف طريقتكم بتنظيم الوقت للطبخ والأطفال..
يعني عندي ولد دايم وراي يحوس تحتي بالمطبخ يخلي مخي يتلخبط..مدري وش حطيت وش ماحطيت..
وعندي طفله صغيره دائمة البكي..
والله ماأخلص طبخ ألا نفسيتي وأعصابي واصله حدها..
والله أحيان أني أقطع البصل والثوم والفلفل الرومي وأحطها بالفريزر عشان أخفف العناء على نفسي..
قولوا لي وش تسوون عشان ماتتعب نفسيتكم من الطبخ والعيال..؟؟
وش الوجبات اللي تطبخونها غير الأرز والمعكرونه والباشميل
ودي بطبخات خفيفه وسريعه ولذيذه..


نفسيتي تأزمت من العيـــااال والطبـــخ