السلام عليكم ورحمة الله وبركاته
أسعد الله مسائكم | صباحكم بكل خير ومسرَه
سويت عزيمة لي ولصديقاتي وحابه تشاركوني رايكم
ما شاء الله ولاحول ولاقوة الا بالله
مع القهوه معمول - عين الجمل " جوزية " نسيت اصورها
- شكولاته بلجيكيه و شكولاته محشيه توفي
طبعا الشاهي ماحطينا شئ لاننا مسوين اكل كثير ومانبي شئ يرد الضيوف عن الاكل
العشاء
برياني دجاج
جريش
فوتشيني الفريدو
باميه
سمبوسة دجاج
تبوله
ورق عنب
محشي كرومب
فته دجاج
بيبسي سفن اب حمضيات لبن ماء والعصير السعودي
بعد العشاء
تشيز كيك بلو بيري
كب كيك القرفه <<< رووووووعه
فوندو شوكلاته
نجي للصور
شكولاته بلجيكيه
2 جالكسي ساده يذوب في حمام مائي
2 ملعقه فول سوداني
4او 6 ملاعق كورن فليكس مجروش
تخلط مع بعض وتوضع في قوالب السيلكون
ويجمد
شوكلاته بالتوفي < على شكل جوري
3 جالكسي يذوب في حمام مائي
وملعقه زبده للمعه
نحط نص المقدار بالقالب ويوزع جيدا
ونضع ملعقه توفي (باي طريقه تفضلينها )
ثم نغطيه بشوكولاته
ويجمد
العشاء
برياني دجاج
بصل -ثوم- زنجبيل بهارات البريااني لتر لبن دجاج رز مستوي نص سوا
يحمر البصل
ونضع عليه البهارات والدجاج ثم الزنجبيل والثوم ويترك 5 دقائق ليتسبك ثم نضيف اللبن وما ننسى الملح والماجي
وبعد ما ينضج الدجاج نشيله ونحمره ثم نضع الارز على مرق الدجاج تقريبا المرق يكون كوب او كوب ونص
ونذوب زعفران في ماء كادي ويوضع على الارزويغطى حتى ينضج
ونكون مجهزين لوز زبيب صنوبر بصل مقلي للزينه
فوتشيني الفريدو
تسلق المكرونه حسب ماهو مكتوب على الكرتون
انا استخدمت بيتوني بالسبانخ
مده السلق 7 دقائق و تصفى
واذا صفيتها خلي ربع الماء فيها لانها تتشرب ماء كثير وعشان ماتلزق ولا ينشف الصوص
الصوص
يحمس بصل ونضع عليه فلفل اسود ودجاج مقطع مكعبات وثوم وملح وماجي
ونخليها على النار حتى تنضج ونضع عليها قشطه الخفق انا استخدمت قشطه خاصه بالطبخ
غير حقة الاكل الحلو ونخليها تطبخ حتى تثقل ونضيف بقدونس مقطع بعد مانشيلها من على النار
ونخلط المكرونه والصوص
بعد العشاء
كب كيك القرفه (اخذت الطريقه من وحده وغيرت بالمقادير)
المقـاديـر بالاكواب المعياريه ::
علبة خليط كيك العلالي اصفر "احلى خليط للكب كيك لانه مايتفتت ويجي متماسك"
ثلثين كوب ماء
نصف اصبع زبده لينه
نصف ملعقة شاي قرفه
2 ملعقة شاي فانيليا
3 بيضات
الطـريقـه ::
لبسي قوالب الكب كيك بالورق و سخني الفرن على درجة حرارة 350
بالعجانه او الخلاط اليدوي اخلطي خليط الكيك + الماء + الزبده + القرفه والفانيليا + البيض
اول دقيقه على سرعه بطيئه بعدين دقيقتين سرعه متوسطه
صبي الخليط بقوالب الكب كيك
ودخليه الفرن بياخذ تقريبا نصف ساعه
طلعيه وغطيه بفوطه واتركيه يبرد براحته ...
الفـروستينـق ::
علبة جبن فيلادلفيا 200 جرام
ملعقتين كبار زبده لينه
شوي فانيليا
3 ملاعق كبار حليب سائل
اخلطيهم بالخلاط اليدوي زين بعدين بالتدريج اضيفي لهم كوبين سكر بودره
وعلى فكره من الافضل انه تستخدمين السكر البودره الجاهز لانه يجي ناعم مره مو مثل المطحون بالبيت مهما نخلتيه ماينعم مره
واخلطيهم زين واذا حسيتي انه يحتاج زيادة حليب زيدي
وشكليه فوق الكب كيك بالطريقه اللي ترغبين
وبالعااااااااااافيه
طعمها رووووووووووووووووووعه
تشيز كيك بلوبيري سعد الدين
المقاديرر
1- 2 علبة بسكويت مطحون
2- اصبع زبدة
يخلط مع بعض ويرص البسكويت في صينيه ويوضع بالفرن لمده 11 دقيقه حتى يتماسك
2- علبة جلى ليمون +مع كاس ماي + فنجان سكر = يوضع على النار حتي يغلي ثم يوضع بالثلاجة
حتى يبرد .........
3 - في الخلاط اخلطي
12جبنة كيري + او علبه جبن فيلاديفيا الحجم العائلي
2 كيس دريم ويب
ضعي الحين معه في الخلاط الجلي البارد ويخلط الجميع جيدا
ثم يوضع فوق البسكويت ... يوضع بالثلاجه ...... بعد مايبرد يزين باحلى الشيز كيك الفراوله او العنب او التوت
يوضع بالثلاجة حتى يبرد ويتماسك
بس اللي تحب طعم الجبنه واضح لا تحط الدريم ويب
الفوندو 3>
5 جالكسي يذوب في حمام مائي وبعد ما تذوب نضيف علبه نوتيلا الوسط وتحرك جيدا ونحطها بالقوالب
وانتبهي تحطين قشطه خفق تخليها تنشف وتصير زي العجينه :09:
وحطيت بالصحن ساريتا كيك - كيوي - اناناس - ويفر - مارشميلو :26:
أتمنى أن أكون وفقت في طرح الموضوع متمنية أن ينال استحسانكم ..
وطبعا البوفيه من شغلي وشغل الوالده الله لايحرمني منها