الطبق الهندي رقم 2 .. أقراص البطاطا المحشوة بالدال

السلام عليكم...

هذا هو الطبق الثاني من الأطباق الهندية
واليوم بيكون بالبطاطا

وإسمه بالهندي
Potato ( Aloo) Tikki

يا الله للمقادير
**************
من 7 - 8 حبات بطاطا مقشرة ومسلوقة ومضروبة ( Mashed )
2/1 م ش كركم
3 حبات من الفلفل الأخضر الحار مفروم
2/1 م ش من بانجابي جرم مسالا.... تحصلونها عند البهارات بالسوبر ماركت
بقسماط
ملح حسب الرغبة
بيض للتغطية

للحشوة
*******

1 كوب من الـ ( Channa dal ) شناه دال.. في السوبر ماركيت بتحصلونها ... مطبوخة ومنشفة من الماء
1 م ش من الزنجبيل المطحون
1 م ش من الثوم المطحون
3 حبات من الفلفل الأخضر الحار مفرومة
2/1 م ش من الكمون المطحون
1 م من الكزبرة الطازجة
ملح حسب الرغبة

الطريقة
********
للـبـطـاطـا
نخلط حميع المقادي للبطاطا ونحطهم على جنب

للحشوة
*******
بعد طبخ الدال بالماء وتصفيته وتجفيفة ... باليد نفرمه فرم خشن يعني فرم وسط... ما تسويه ناعم
وبعدين نخلطة مع بقية مقادير الحشوة

ألحين جينا للمهم
****************

نحضر شوي من البطاطا وتكوريها باليد
وبعدين نحفري في الوسط .... خليكي منتبهة

بعد ما حفرنا في الوسط نحط شوي من الحشوة بالداخل ونسكرها ونكورها باليد شوي شوي
نحطها في البيض بشويش... وبعدين للبقسماط ونقليها في زيت حار

نقدمها بالهناء والعافية
مع صلصة التمر الهندي
*********************

1 كيس تمر هندي
ماء لعجن التمر الهندي
2 حبة فلفل أخضر حار
1 بصل مقطعة
1 فص من الثوم
1 طماطم مقطعة

بعد ما نعجن التمر الهندي بالماء ... ونخليها وسط مو غليظة ولا سائلة...
نشيل البذور من الماء
ونحط باقي المقادير في الخلاطة ومعاهم معجون التمر الهندي
ونخلطهم زين ونقدمهم مع البطاطا



هي شكلها طويلة ... بس والله عملها سهل وسريع

وعليكم بالعافية

ولكم تحياتي
شكوكو
:27: :27: