السلام عليكم أخواتي في الله
أولا أشكركم على هذه الإطراء كلكم ذوق والله
أختي رومي بالنسبة للألوان اللي أستخدمها هذي صورتها






هما نوعين نوع بلمعة ونوع بدون لمعة ومنهم أحجام كبيرة وصغيرة مثل ما إنتي شايفة
وبالنسبة لثباتهم جربت أغسلهم وفعلا ثبتت الألوان بالكوي
وهذي صورة شيلة غسلتها والألوان ظاهرة وثابتة مثل ما هي

أختي الدانة النجدية
بالنسبة للكرستال أعتقد إنه يثبت على أي مسطح
مع إني ما جربت إلا القماش والزجاج
بس أتمنى أصحاب الخبرة يفيدوكي أكثر

الساعيه للخير

رومي

وكل البنات

يعطيكم العافيه والله ماقصرتوا جاوبتوا على كل الأسئلة الله يجعلها في موازين حسناتكم

الساعيه الى الخير

لاحظت انك مهتمة كثير بالرسم على الملابس فأنا حابه افيدك بحركة يمكن تكوني تعرفيها بس هي جدا رائع ومتقنه وتطلع شغلك كانه جاهز (ماشاء الله على شغلك مايحتاج)

بس هذا برضوا مجال وهو اسهل من الرسم حبه حبه ويخذ وقت ا قل وهو الشبلونه

خذي اي تصميم ابيض واسود من اي كتاب وتقدري في الشبلونه الوحده تحطي كذا تصميم عشان استفادتك من الشبلونه تكون اكبر

وبعدين وديها المكتبات الخاصه بالأشغال الفنيه وقليله سوها لي تصوير ضوئي ماتكلفك خمسين ريال بعدين تصيري تختاري تصميم وتغطي الباقي بشطرطون وبممسحه (جلد بلاستك ) تسحبي اللون بعد ما تثبتي الشبلونه على القماش ويطلع لك الشكل وهنا نستخدم الوان السلك سكرين ثقيله

وبعدين يصير يطلع عندك ارضيه بالشكل الي اخترتيه متقنه وكان الي رسم التصميم هو الي طبعلك اياه بعد كذا بالوانك العاديه اعملي التفاصيل بصراحة تنجزي اسرع والعمل يكون متقن وممكن تعملي كذا قطعة وانت متاكده ان الفرق رح يكون جدا بسيط ولا يذكر


انا اسفه اذا طولت عليك بس حابه اشاركك بهذا التكنيك لانه جدا رائع وقليلة الأخطاء فيه وعموما موفقه

فيه طريقه ثانيه اذا ما تحبي توديها لرجال اختاري الشكل الي تبغيه شفي بس الحدود الخارجيه حطيه على ورق كانسون فرغيه ثبتي الورقمن الخارج كويس بعدين حطيها على القماش ووزعي اللون
شيلي الشبلونة واتركيها تنشف الشوي بعدين لوني التفاصيل تطلع خرافه بس المشكله هنا ان الورق بعد كم مره ينهري ولازم تشليه فالأول افضل من هذي الناحيه لمن اذا كنت تحبي التغير ديما فهذي الطريقه احسن واوفر


وعموما في كلا الحالتين بس تخلصي تغسلي الشبلونة كويس عشان اللون ما ينشف ويعدم الشبلون