الطريقة الصحيحة لعمل وصفة قشر الرمان لمن تعاني من ارتجاع مريئي وتبعاته من قرحة وغيرها

السلام عليكم
اخواتي انا اعاني كثير من مشاكل المعدة والارتجاع المريئي والحمدالله الذي احبني فابتلاني
وطبعاً قشر الرمان راااااائع لمشاكل المعدة وعلى رأسها الارتداد الحمضي او الارتجاع

طبعاً ماينفع تاكليه لوحده او على مويه او عسل هذي الطريقة خطأ وخطيرة عالكلى والمثانة وتسبب امساك اكثر واكثر من اللازم
واليكن الطريقة السليمة:
خذي لك كفتير الشاي وحطي فيه تقريباً ثلاث كاسات مويه بدرجة الغليان وحطي عليه ملعقتين قشر الرمان ملعقتين كبار وبإمكانك تحطي زهورات اخرى مثل البابونج مثلاً لانه يريح ويهدي المعدة والقولون وخليه يغلي لمدة 25 دقيقة
بعدين نجي للخطوة الثانية والاهم: وهي انك تجيبين ترمس القهوة العادي وتشخلين الرمان اللي غليتيه وياليت تشخلينه بقطعة من الشاش المعقم عشان تضمني انه يصفى مضبوط
وبعد كذا قفلي الترمس وخليه
وقبل الفطور بساعة خذي لك منه كاسة وخليه لين يفتر وحطي عليه ملعقة عسل اصصصلي طبيعي ويكون اما سدر او طلح او عسل صيفي لانه خفيف عالمعدة
وحركيهم مضبووووط واجلسي عالكنبة او على مقعد وعدلي ظهرك مضبوط واشربيه على ثلاث دفعات لاتشربينه دفعة وحدة قسميه دفعات عشان المريئ يستفيد
وكرري الحركة مرة ثانية قبل العشا وياليت يكون العشا بعد المغرب
وكمان اشربي كاسه قبل النوم
وبإذن واحد احد حتتحسني كثيييير
بس دعواتكم لي اني اشفى منه تعبببت مره متعبني الحمدالله يارب لك الحمد

وبس حبيت افيدكم بالطريقة الصحيحة لقشر الرمان
واللي تستفيد تدعي لي الله يجزاكم خير

وربي يشفيني ويشفي كل المرضى من جد العافية مايقدرها اللي فقدها 💐