الطريقة الصحيحة للتخلص من الشعر المتطاير بعد السيشوار

السلام عليكم ورحمة الله وبركاته

كيفكم خواتي ان شاء الله بخير


بدخل في الموضوع على طول أنا شعري ما يستقيم الا بالسيشوار ومو هنا المشكلة المشكلة في الشعر المتطاير بعد السشوار اللي يبان كأنه صعقة كهربائية وبصراحة يسبب لي احراج ومدري شلون أعالج هالمشكلة

ورغم أني الحين صرت لازم افرده بمكواة السيراميك ويطلع حلو بس الشعر المكهرب يكهرب الجو علي :(

بعد المكواة أحط كريم ومسحة جل عشان يهجد لكن سرعان ما يرجع الوضع على ما كان عليه ومدري شنو الحل
علما ان شعري بدون سشوار ما فيه شعر متطاير ابدا يعني يصير مؤدب ومحترم حاله بس أنا ما أحب المطبات اللي فيه تخليني مثل العجايز:22:

واللي يخليني أحاتي أن ما أشوف أحد شعره مكهرب مثلي يعني فيه ناس شعرهم أفريقي ومنيل بستين نيلة لكن مع الفرد والسيشوار يبان حلو ومرتب ولا فيه أي تقصف ولا تطاير فمدري شنو يسوون عشان يتفادوا هاي الشغلة


الشي الثاني
بنتي الكبيرة شعرها خشن ومعقدني والحين جبت بنوتة عمرها اربعة شهور وكل ما المس شعرها من ورا يبان لي خشن وكأنه محروق مدري هو من كثر ماتنام على ظهرها والا نوعيته كذا
فصرت كل ليلة ادهن لها شعرها بزيت السمسم مسحة خفيفة يعني وفي نفس الوقت حبيت أسألكم عادي هالشي والا اتركه أحسن ؟؟

وآخر شي شامبو السدر شلون تسوونه وهل ينظف الشعر من الأوساخ والزيوت ؟؟

وسلامتكم وبليييييييز ما لي غيركم خواتي ساعدوني يا عساكم الجنه آمين