الطريقه الصحيحه لتعليم الحمام

السلام عليكم
بدخل بالموضوع على طول وياليت تفيدوني
انا بنتي عمرها سنتين و ثمان شهور وبديت اعلمها ع الحمام بديت بالطريقه الي قالتها امي ان بالبدايه اعلمها كذا مدة ساعتين وكل يوم ازيد لوقت ما احسها تمسك نفسها بعدها اشيل الحفاض بس المشكله في بنتي عنيده وماترضى تدخل الحمام وفيها خوف مو طبيعي يعني عادي تمسك روحها ماتسوي شي ونفس الشي اذا دخلت معها الحمام ماتسوي شي تخاف من اي شي ينزل تحت بالافرنجي جربت اني اشجعها واجيب لها حلاو واحط لها صح واصفق لها بس ابداً مستحيل تسوي شي في الحمام قبل كم يوم كانت تتبول على نفسها وماتقول ليي انها محتاجه الحمام و عادي تقعد بوساختها اهم شي ماتدخل الحمام واليوم لاحظت عليها انها ماسوت شي ابداً لا بنفسها ولا بالحمام وبصراحه صرت انحرج لما اطلع معها لناس انها تلبس حفاض و تسوي فيه الكبيره والصغيره لان كل الس بعمرها بعيلتنا وبعيلة اهل زوجي وحتى الي اصغر منها وهي الوحيده الي تلبس حفاض ولا تبي تشيله جربت معها بالبدايه حفاض كلوت بس تسوي فيه وتعرف انه حفاضه مو كلوت وجربت احط لها كرتون تعليم الحمام بس ابد ولا كأنها تشوف وان قلت لها فيك حمام او فتحت لها سيرة ان ذا خطأ وان الحفاضه للبيبي وانتي كبيره تقوم تغير الموضوع فرجاءً اللي تعرف طريقه سهله وحلوه ونفعتها او عندها طفل عنيد زي بنتي وتعلم ع الحمام تذكر طريقتها ابيها تتعلم قبل تتم الثلاث سنوات عشانها تتمها بالشتاء وصعب التعليم بالشتا