الطريقه الصحيحه(( للســـشــــوار المثــــــالـــي )) .. واللي يشبه سشوار الصالونات ..

:)

مرحبا حبيبات قلبي .. بعد خبره طويله مع السشوار ونتيجته مع شعري اللي مجرد مانوصل المناسبه او العرس الا وهو كااااااش .. وملاحظات عامه اخذتها من الكوافيرات اليكي الاسباب التي تؤدي الى فشل السشوار المنزلي :

1- اهتمي بالشامبو والبلسم : حاولي يكون من ماركه معروفه قدر الامكان مثل .. لوريال كيرستاس او بانتين الاصلي وليس التجاري ... وابتعدي تماما عن الشامبو 2 × 1 لانه دمار للشعر من دكتور هالكلام .

2- رطوبه الشعر قبل السشوار : مهمه جداااااااااااااا قبل السشوار ليش .. لانه اذا الشعر مبلل تماما النتيجه سشوار مبهدل وشعر كشه ووقت وجهد كبير على الفاضي .. واذا الشعر جاف تماما النتيجه شعر مطعج وناشف ومطفي وباهت ويكش بسرعه ...
- اذا كيف تعرفي الرطوبة المناسبه للشعر قبل السشوار ؟؟
- بعد الحمام اعصري الشعر ولفيه بفوطه وخليه من نص ساعه الى ساعه حسب نوعيه شعرك .

3 - تهيئة الشعر للسشوار : طبعا في كذا ماركه انا ارشح لك : لوريال - كيرستاس - دوف وتقدري تستخدمي منهم اما سيروم او كريم او بيس ولاتستغربين الشعر ايضا له بيس وافضل بيس جربته للشعر الجاف جدا ووظيفته يحميه من حرارة السشوار ويملس الشعر هومن ماركه كيرستاس اسمهLAIT NUTRI-SCULPT ممتاز .. واذا شعرك مثلي جاف جدا جدا حطي سيروم + بيس وعادي مايدهن الشعر وممكن بعد السشوار بخه من سيروم اللمعه من كيؤستاس ايضا .

4 - المشط مهم جدا في النتيجه النهائيه وفي لمعه الشعر ليش ؟ اذا المشط رديء واسنانه منتفه راح يقطع الشعر ونتيجه السشوار شعر منتف وكاش وغير املس .. كيف تحافظي على المشط ؟؟ ماتقربي السشوار ابدا على المشط لانه راح يذوب اسنانه فقط من بعيد يعني مشي المشط ووراة السشوار الفوهه يعني بمسافه 2 سم على الاقل .

- فيه انواع كثيره من الامشاط : المشط المدورالخشبي العادي المعروف - مشط مدور من السيراميك يسمح للهواء يدخل فيه ويوصل الحراره اسرع للشعر - المشط الاستريتنر الخشبي على شكل مشطين وتحطي الشعر بالنص وتوجهي حراره السشوار عليه ( نفس عمل مكواه الاستريتنر )

5 - نوعية السشوار : اهتمي بالسشوار انه تكون حرارته قويه بس مش نفس السشوار الاحمر حق الصالونات لانه راح يحرق شعرك اكيد اذا ايدك مش خفيفه .. وان رحتي قولي لهم ابي سشوار حرارته قويه فوق ال1500 مثلا ..

6 - كيفيه السشوار : حاولي تقسمي شعرك الى اقسام صغيره وطريقتي اقسمه كله الى نصفين يمين ويسار .. واخذ الجزء الامامي الغره لحد قدام الاذن وارفعه بكليب يصير عندنا 3 اقسام يمين + يسار + الجزء الامامي ..
- ابداي بالقسم اليمين وقسميه خصل وابداي بكل خصله لحد ماتملسيها وهنا خلصنا اليمين .. ارجعي للقسم اليسار وقسميه اجزاء وسشوري لحد ماتملسي كل خصلة .. اجمعي الجزء اليمين واليسار وسشوريهم على ورا كنك تمشطي عشان تتاكدي مافي اي طعجات من الخلف ..
- ابداي الحين يالقسم الامامي من اليمين لليسار او العكس انتي حره وخذي خصله خصله لحد ماتخلصي وبعدين اجمعيه كله وبالسشوار كنك تمشطينه على كل الجهات .. وان شاء الله نتيجه مرضيه .

وسلامتكم .. اتمنى انكم استفدتوا من الموضوع واي سوال حاضره ..:26: