ياعمري ماقصرتو على ردودكم


حلا
انا دايم اقولها الكلام هذا انا اختك وصديقتك مانبي اخت معنا وانا من داخلي اتتتتتتمنى بس عشان تقتنع

الحالة المادية جدا مهمة
وانتي فكري اذا جبتي الرابع شلون بتدبرين عمركم عن طريق زيادة دخل او حتى تعتمدين على حسن التدبير والمبلغ الي يتوزع على ٥ يتوزع على ٦
بس التوقيت احسه مناسب على ماتجربي تحملين وتولدين يكون قرب ع السنتين وكم شهر ويترك الحفاظ والحليب وانتي بعد عمرش مو صغير ماتضمنين بعد جم سنة شنو وضعش الصحي يمكن يجيش عارض لا سمح الله ويمنعش من الحمل نهائيا وتوقفين فطالما عندش القدرة على الانجاب والصحة توكلي علي الله صحيح ان الوحدة تقدر تنجب للاربعينات هذا اذا الوحدة عندها رغبة وقوة تنجب مافي شي يمنع بس الافضل تجيبين وانتي صغيرة

وادعي الله يرزقش ببنت لان بجد البنت تحتاج اخت وياها خاصة لين كبرت بالعمر والبنات دايما قاعدين بالبيت وفي غرفتهم بتستوحش بروحها غير عن الصبيان يقضي وقته ويا اصدقاءه لعب وكورة وسباقات ومايفتقد وجود الاخوان

الله يبلغك الي تتمنيه .. بس احتمال الولد مساوي لاحتمال البنت
حطي دا في بالك وبالها
الفرق ما اعتقد كبير بيني واختي 13 سنة لما كبرت ما عاد في فرق كأنها قدي

مقولة الطفل يجي رزقه معاه هي سبب كثرة خلفة الفقارة اللي فالنهاية يصيرون يتسولون فلوس عشان بس يعيشون عيالهم
مافيه طفل ينولد معاه كيس ذهب والا حساب مفتوح يمشي فيه راتب
دام المادة ضعيفة لا تفكرين فالخلفة لين تتحسن وتحسون انكم قادرين ولا تحصرين الخلفة فسنين معينة دام الأمل موجود
وبنتج لو جاتها اخت بكرة بتقول ليت عندي ايباد نفس صديقتي وليتني اسافر نفس فلانة وليتني البس ماركات نفس علانة
علميها تستشعر النعم اللي فيها وما تقارن روحها بغيرها والاخت ممكن تجي فالمستقبل وممكن لا وهالموضوع بيد الله مو بيدكم