الحقيقة جزاكي الله كل خير واكرمك ان شاء الله في اولادك وتشوفيهم زي ما تحبي وترضي باذن الله لأنك ادخلتي السرور على قلبي برأيك ربنا يكرمك

صباحك فل

لسة واخدة بالي من باقي التعليقات ربنا يكرمكم كلكم ويبارك فيكم وفي أولادكم

يعني فعلا زي ما الأخوات قالوا احنا متعودين من صغرنا على كده يعني شئ طبيعي وانا اكلم بنتي اقول لها لو سمحتي هاتي كذا او اعملي كذا ولما تتكلم عاوزة مية مثلا اقعد اقولها قولي بليز يا مامي مية (طبعا مي في كل مرة بتقولها هى عندها سنتين بس لكن اوقات بتفتكر وانا مش بامل من المحاولة)

كمان زي ما محتاجة للدعاء قالت

الطفل عندنا مش متاح له كل حاجة وبيفهم من وهو صغير ان مش كل حاجة نقدر نجيبها فالبتالي بيكون قنوع وان كان الأطفال كلهم واحد في كل الدنيا كلهم طماعين

يعني لازم في السوبر ماركت افهم بنتي في كل مرة انها مسموح لها تشتري حاجة واحدة بس اما مصاصة او شيبسي اوقات بتعيط واوقات بتفهم وتسمع وطبعا دي بتيجي بالتعود

كمان في حاجة مهمة قوي

اهم حاجة في التربية ان الأم هي اللي تربي وتعلم يعني ما ينفعش اسيب بنتي للدادة تعلمها او تربيها لازم تبقى كل أم تدقق في كل تفصيلة كل حاجة في حياة بنتها يعني لما اروح استلم بنتي من الحضانة لازم تاخديها في حضنك وتبوسيها وتقولي لها وحشتيني عملتي ايه النهاردة بيفهموا والله الأطفال أذكياء جدا ومع الوقت لما تتعلم تتكلم بتقول يعني كنت اعمل كده مع بنتي من وهي شهور لما بدأت تتكلم فعلا بقت تقوللي عملت كذا وفلانة اكلتني كذا وتضحك

انا متأكده ان كل أطفالكم ما شاء الله زي الفل وملتزمين وحبوبين بس من حبكم في مصر حبيتوا اطفالنا جزاكم الله كل خير

انا حقول حاجه لفتت نظرى فى المجتمعات الخليجيه تتعلق بالموضوع دا
ويمكن يكون ليها اكبر تأثير على الاطفال
وهى الخجل والاحراج الكبير فى التعامل حتى الكبار يعنى انا لما بقابل واحده فى المول مثلا كبيره ماشاء الله واسألها عن مكان او شئ بحس انها محرجه جدا وصوتها مش طالع كمان الاطفال كدا لو حبيت اضحك مع طفل صغير ميردش عليا ولا يكلمنى ويبصلى من بعيد بس
كمان مش بيعبروا عن اللى جواهم بسهوله وبلاحظ ان العلاقه بين الزوجين فيها تحفظ كبير غير عننا خالص يعنى انا طلعت بشوف بابا عادى لما بيجى م السفر يسلم علي ماما زيها زينا بالظبط ولو زعلت يصالحها ويبوس راسها ويطبطب
عليها ويمدحها ويشكر فيها امامنا ويعاملنا انا واخواتى البنات بنفس الطريقه ويتكلم معانا ويناقشنا

لكن بلاحظ بان فيه خجل فى اظهار المشاعر والعاطفه بين الزوجين بينهم وبين بعضهم حتى وبين الابناء والبنات

دا انا فعلا لاحظته كتير

اما موضوع التعليم فى مصر فهو اوفر اوى الاسره بتبقى عايشه حياتها كلها حول
محور الطالب اللى ثانوى او اعدادى وحتى الابتدائى كمان ودروس ومذاكره دروس ومذاكره بطريقه جامده جدااااااااا تخيلوا حتى المناسبات والزيارات وكل مظاهر الحياه متوقفه على الطالب وظروفه وخصوصا الثانويه العامه اكيد كلكم سمعتوا عنها خير الامور الوسط انا مش بحب كدا بصراحه

افتكرت موقف يضحك لما كنا فى السعوديه وكان لينا صاحبات سعوديات كتير
وبنحبهم جدا مره بنت الجيران الصغيره ندهت لماما وقالت لها يام فلان
البيت اتقلب مظاهره
الحقى ياماما دى بتقولك كدا ام فلان بدون القاب ونعملها جريمه شنعاء خخخخخخ
فده مخروس فينا من ايام الاحتلال الفرنسى اعتقد او التركى والا الانجليزى مهى دول العالم كله احتلتنا ماشاء الله

معلش رغيت كتير

كلامكم صحيح


اذكر اني كنت بصالون وفي بنوته يسوون شعرها لحفله...وامها معاها...وكانت تكلم امها حسيت روحي كاني في فيلم مصري خخخ لان اسلوبها في الكلام جدا راقي ما كأن لطفله وغير هذا احس كأن محفظينها شنو لازم تقول علشان هلون حسيت كاني في فيلم مصري.... شنو هالاسلوب بالكلام والاحترام ماشاء الله...

جزاكي الله خيرا يا صاحبة الموضوع وربنا يكرم كل الاخوات اللي ردوا وشكروا في المصريين

انا بس كنت عايزة اقول ان المجتمع المصري في كل الفئات الغنية والفقيرة الابن او الابنة طبعا هي رأس مال الاسرة وكل حاجة بتتمحور حواليهم وخاصة التعليم عشان كدة اعتقد ان اغلب الطلبة المصريين متفوقين في كل مكان بس طبعا اكيد فيه سلبيات زي اي مكان
وبالنسبة للتربية زي ما البنات قالوا:

1) احترام الكبير وكلمة لو سمحتي وشكرا ومن فضلك من الأساسيات عندنا في التعامل بره البيت وجواه يعني دايما لما اكون بشتري
اي حاجة بكون حريصة ان بنتي تشكر الكاشيير وتقول باي او سلام لما نيجي ماشيين او حتى لمرات البواب ففاهمين ان اي حد اكبر لازم نحترمه بغض النظر عن وضعه الاجتماعي بس من غير ما نخاف منه

2) شراء الحلويات مسموح بحاجة واحدة بس وبعد ما تختار لو عجبها حاجة تانية تبدل لكن مش هتاخد الاتنين وده مش بخل لكن الحلويات مضره وكلها الوان صناعية ده اولا وثانيا عدم الطمع وكنت عايزة اعلق على الاخت اللي جابت الشيبسي لابنها بعد ما رفضت عشان واحدة في السوبر ماركت علقت ان مفروض ميهمكيش رأي الناس دي واحدة مش هتشوفيها تاني وانتي الأدرى بمصلحة ابنك وعلى فكرة موضوع تعودي الأطفال ععلى عدم الطمع مش من مرة ولا اتنين لا بس لازم نكون مثابرين في التعامل مع الاطفال ومن غير عصبية انتي بتكلمي طفلك وتفهميه اول مرة مش هيسمع وهيعيط تاني مرة هيفهم

3) بالنسبة لتعليمهم الذوق والقدرة على الاختيار واتخاذ القرار خصوصا في شراء الملابس مثلا بشوف المناسب لذوقي وميزانيتي واختار 2 تي شيرت مثلا واخلي الطفل هو اللي يختار منهم وهكذا في كل حاجة وده من عمر صغير حوالي 3 سنين فما فوق وده كمان في الاختيار اليومي لهدوم الخروج او في البيت تحبي تلبسي البيجاما دي ولا دي طيب شوفي التي شرت ده لايق على انه بنطلون اكتر واخليها تختار واتشجعها على اختيارها

4) الاهتمام بالحوار معاهم يعني كل يوم لما باخد بنتي من الحضانة لازم أسالها عملتي ايه ومين اكلك ورسمتي ايه ودايما بأكد على كلمة مامي وكوكي اصحاب ولازم نقول كل حاجة اولا كنوع من الاطمئنان عليها عشان الدنيا بئت وحشة وممكن تتعرض لموقف مش كويس فلازم اعرف اتصرف تاني حاجة عشان اعودها من صغرها انها تحكيلي ومتخافش حتى لو عملت حاجة غلط او ضربت حد ان مش هزعأ لها بس هفهما انه غلط وتقول سوري لزميلتها اللي ضربتها

5) وكمان يا جماعة عدم لوم الطفل او توبيخه ادام حد تاني من الاهل يعني لو عمل تصرف غلط واحنا في البيت وعندنا ضيوف هي نظرة قوية ليه عشان يعرف انه عمل تصرف غلط وبعد يلام او يعاقب حسب اهمية الغلطة بعد انصراف الناس لكن لو الغلط مستمر ممكن تنادية في غرفة تانية وتلفتي انتباهه ان كفاية كدة وبرده اللوم لما تبؤوا لوحدكم لازم يعرفوا ان الاهانة او العقاب دي حاجة كبيرة اوي ويكونوا حرصيين انهم ميحتطوش في الموقف ده علشان مينحسوش ويبطل يجيب نتيجة معاهم

6) كمان كنت عايزة اقول ان تربية الأطفال من الأحاديث اليومية بين الصديقات ولازم بناخد رأي بعض في كتير من المواقف عشان كدة بنتلافي كتير من الأخطاء لأنه لا خاب من استشار

بس اهم حاجة يا بنات الصبر والتكرار في كل موقف عشان الأطفال مش بيتعلموا من اول مرة واي سلوك لازم التوجيه ليه اكتر من مرة عشان تاخدي اللي انتي عايزاه من الطفل وربنا يكرمنا جميعا في اولادنا ويجعلهم بارين بينا في كبرنا

واحب اكرر شكري لصاحبة الموضوع