آآآآآآخ بس خلي اللي حاسدينا على العيشة بكندا (من القرايب ) ييجو يشوفوا كلامكم بلكي صدقونا ..

اختي صاحبة الموضوع موفقة في بحثك ..

حبيبتى انا اسفة انى أتأخرت فى الرد عليكى

بس اسمحيلى الاول ارد على الاخوات اللى بيتكلموا على الغلاء هنا فى كندا

انا معاكم ان فعلا البلاد غالية بس تعالوا واحدة واحدة وقارنوها ببلادنا مش تقارنوا بعد ما بتحولوا الدولار الكندى الى عملة بلادك

لو عملتم كدة هتلاقوا ان هنا ارخص من بلادنا

بمعنى ايه:

لو واحد مرتبه ألف دولار هنا تفتكروا كم من الحاجات اللى ممكن يشتريها بالالف دى وبمقابلها كم من الحاجات اللى ممكن يشتريها بألف ريال او ألف درهم؟؟ فهمتم قصدى؟؟؟؟؟


ثانيا : حكاية ان كل حاجة هنا بفلوس انا مختلفة تماما معاكم

ايه يعنى لو هتدفعى فلوس لاكياس والا عربية تسوق ولكن تعالى شوفى باقى المميزات اللى بتاخديها كمقيمة هنا:

اولا: اللى بيقولوا ان الداى كير ان غالى
اولا ده بيعتمد على دخل الاسرة ما هو مش ممكن يبقى واحد بيشتغل فى وظيفة محترمة وبيقبض الالاف من الدولارات ومراته قاعدة فى البيت وعايز يروح يودى ولاده حضانة فى كندا وما يدفعش ولا مليم!!!!!!!!!!

الفكرة كلها انها بتعتمد على دخل الاسرة

يعنى انا مثلا: زوجى طالب دكتوراة فى جامعة تورنتو وانا بادرس يعنى نعتبر من الاسر ذات الدخل القليل جدااااااااااااااااا

وبالتالى ربنا كرمنا وحصلنا على حضانة رااااااااائعة لاولادى ببلاش ومن غير ما ادفع ولا مليم شاملة الماكل وكل حاجة ومن 7:30 صباحا الى 6 مساءا


واعرف صاحبتى طالبة دكتوراة وزوجها مرافق معاها وشغال وظيفة لوقت جزئى وبالرعم من كدة بنتها فى حضانة تابعة لجامعة ترونتو ومش بتدفع ولا سنت

الفكرة كلها ان الفلوس اللى بتدفعوها للداى كير بتعتمد على دخل الاسرة وظروفها ومدى احتياجها الفعلى للحضانة


وكمان مش عارفة انتم عارفين عن الفلوس اللى بيدفعوها هنا للاطفال والا لأ كل شهر؟؟؟؟؟


فيه حاجة اسمها child tax benifit ودى تستحق للاسر اللى بقالها فى كندا يا اما سنة ونصف او يكونوا مهاجرين وليهم اولاد اقل من 18 سنة ساعتها ليهم الحق انهم يقدموا على الفلوس دى
ممكن توصل للطفل الواحد الى 300 دولار فى الشهر


وكمان فيه حاجة اسمها Universal child benifit ودى قيمتها 100 دولار بتصرف للاطفال اقل من 6 سنوات

يعنى زى ما انتم شايفين ان هنا فيه مميزات كتيرة جدا

عشان كدة يا بنات لازم نحمد ربنا ان وضعنا فى ظروف بيتمناها الملايين فى بلادنا العربية واللى الظروف كل يوم بتؤدى الى اختناقهم من الحال والاوضاع هناك


اختى الكريمة صاحبة الموضوع:


ده الرقم الخاص ب subsidy

4163925437

لمزيد من التفاصيل ممكن تشوفى الرابط ده:

http://www.toronto.ca/children/subsidy.htm

ولو احتجتى اى حاجة انا تحت امرك
بالتوفيق يا رب ان شاء الله

أم زيزو الله يعطيك العافية يا رب ويجزيك الخير ويكثر من أمثالك