الطفل والحمام

السلام عليكم ورحمه الله

الامر محتاج تدريب

1- اعرض عليه انه يروح الحمام كل شويه

2-فيه فى الاسواق قطع بلاستيك توضع على قاعده الحمام لتمكن الطفل من الجلوس بمفرده

3- قولى له مرارا انه اذا رغب ان يعمل حمام ان يقول لكى واسأليه انتى بأستمرار ولا تعتمدى على انه سيطلب فى الاول

4- لا تضربيه اذا عمل على نفسه
وبعد فتره من التدريب السابق اذا عمل على نفسه ممكن تلوميه(بسيط)

5-لا تعنفيه امام اخوته او امام الناس

واخيرا لازم تعرفى ان الصبر مهم
والله معكى

السلام عليكم ورحمة الله..
يا دكتورة نجلاء انا ابنى "على" عمره سنتين ونصف ومن اول ما تم سنتين وانا جبت له الPotty بس رفضها تماما.. وجبت القاعدة الخاصة بالتويلت وفى الأول كان الموضوع ماشى كويس وهو بيقول كل ما يعوز حتى وهو نايم بس طبعاً لا يستطيع التحكم بالوجه الكامل ومر شهر وبعدها فجأة ارتد كثيراً للخلف واصبح يعمل فى الحفاظة على فكرة انا لم اخلع الحفاض إلا مرة واحدة ولبسته شورت مشمع وآه لو تعرفوا ماجرى .. المهم انا بوعده بمكآفآت وهدايا واشجعه ساعات وألومه ساعات ولو عمل فى التويلت اخلى والدتى وحماتى يحضروا له هدايا... بس هو لا يقول ابداً لازم انا آخده واقعده واصبح الموضوع بالنسبه له دلوقتى شئ سخيف اخشى انه يكاد يكون كرهه حتى انه اول ما يصحى من النوم يقول لى "لأ مش ح اروح التويلت"
على فكرة هو لا يعمل طول فترة النوم بليل خالص بس اول ما يصحى .. كمان كان فى اول ما ارتد عن العمل فى التويلت كانت المياه بس وكان بيقول على البراز .. دلوقتى لا يقول...بدات اهدده بأنى ح احط له شطه .. وساعات احكى له حواديت محفزة .. بس حتى ده مش جايب نتيجة .. بس هو بيقعد كل مرة يقولى آسف ... مش ح اعمل فى البامبرز تانى. مش عارفة اعمل ايه خصوصاً انه كبر على ما اعتقد بما يكفى .. بس ارجوكى شوفيلى حل غير انى اخلع الحفاض لأنى لا استطيع التنظيف كل شويه .. خاصة انى موسوسة من النجاسة...أعتذر للإطالة عليكم
جزاكم الله خيراً

الجنة مكانى
كونه انتظم ثم ارتد
فسهل جدا ان يعود ثانيه
المهم هل هناك حرقان في البول ؟
عموما
اذهبي به الي الحمام في الوقت الذي تعتقدي انه بحاجه الي الحمام كما تفعلي
لا تهدديه بان تضعي له الشطه هذه

لازم تخلعي الحفاض بالنهار
معلش
لانه لازم يعرف انه لابد من ان يطلب الحمام
لانه عدم طلبه للحمام يساوي ان الملابس التي يرتديها ستبتل
وهذا سيسبب له الضيق
لازم تخلعي الحفاض
جربي واخبريني بالنتيجه

شكراً على اهتمامك دكتورة نجلاء
هو لا يعانى من حرقان فى البول لأنه بيعمل عادى فى البامبرز ولو فيه حاجة كان قال أو بكى لأنه من النوع الذى لا يتحمل أى ألم مثلى...
ح احاول اخلع الحفاض وامرى لله ..
جزاكى الله خيراً

لو سمحت يادكتوره نجلاء منذ متى نبدا نعلم الطفل على الحمام ابني عمره سنه وسبع شهور ينفع اعلمه وكيف ابدا معه