اختي العزيزة... انا من فترة قريبة شفت برنامج في التلفزيون.. و كانوا يناقشون هالموضوع مع ام مجربة لهالشيء (تنويم الطفل بروحه)
و بصراحة عجبني كلامها وااايد و اتشجعت اني اجرب هالشيء مع اطفالي في المستقبل..و عموما انا من قبل كنت مقررة بس كنت متخوفة و هي وايد شجعتني اني التزم في قراري و اخلي عيالي من اول يوم لهم في البيت ينامون في غرفهم بروحهم..
اول نقطة ركزت عليها الام.. انه غرفة نوم الابوين غرفة خاصة لهم هما الاثنين بس.. و تصير فيها امور خاصة جدا جدا و الغريب انه هالامور ممكن تأثر على الطفل لما يكبررر... و حتى عطت حديث من السنة يأمر الرسول فيه انه الاطفال الرضع مو المفروض ينامون مع الابوين في الغرفة (لا يحضرني حاليا بشكل حرفي بس المعنى بشكل عام كان لها علاقة بموضوع نوم الاطفال مع الاباء و الامهات).. كما قرأت من زمان.. من فترة طويلة قبل ما اتزوج.. انه اثر نوم الطفل مع ابويه سييء للغاية و ممكن ينتج عنه شخص زاني في المستقبل و الله اعلم.. و انا استغربت من هالمعلومة على الاخرررررر... و كان الموضوع يناقش هالمشكلة من ناحية دينية و اثبت هالشيء بعد اجراء دراسة على عدد من الاشخاص اللي يمارسون الزنا و اتضح انهم ناموا مع اهلهم في غرفة النوم من طفولتهم و حتى عمر متقدم (يعني لحد خمس او ست سنوات).. و الله اعلم (طبعا هذا كلام المواضيع اللي قرأتها مو كلامي)....
و اضافت الام انه ممكن تعودين طفلج انه ينام بروحه بس على طول حسسيه انج انتي و ابوه حواليه.. و هذا الاحساس يمكن يتعزز عند الطفل اذا لعبتي معاه انتي و ابوه لعبة الاستغماية بشكل مستمر و على طوووول... بهذي الطريقة الطفل راح يعرف و يفهم انه امه و ابوه موجودين على طول حواليه حتى لو كانوا مو في نفس الغرفة.. و راح يفهم انه اذا احتاج اي واحد منهم ما عليه الا انه يناديه و هما على طول راح يكونون عنده... و طبعا مرة ثانية هالشيء يتعزز من خلال ممارسة لعبة الاستغماية على طووووووول.. و طبعا هالشيء المفروض يبدأ من عمر مبكر جدا جدا.. يعني من لما يكون عمر الطفل شهر او حتى اقل..و الشيء الثاني الي ممكن انه يعزز هذا الاحساس عند الطفل هو الاهتمام بغرفته و شكلها.. و على الام انها تبذل قصارى جهدها في انها تخلي غرفته مكان محبب لنفس الطفل.. مثلا تحط فيه العاب واايد و تستخدم الوان مريحة مثل الوردي و الازرق الفاتح و الاصفر او البيج و تحط في سرير طفلها الالعاب القطنية مثل الدببة و ما شابه..
و اظن لو الام و الاب كانوا قلقين على الطفل.. ممكن يستخدمون الاجهزة الحديثة اللي تنحط عند الطفل و عند الام بحيث انه الام تقدر تتبع كل حركات طفلها و تطمن عليه...
حاليا هذي كل المعلومات اللي عندي حاليا عن هالموضوع..
و موفقين

طيب أنا معاكم بأن غرفة النوم شيء خاص بالزوجين ولازم الطفل ينام لوحده

عشان الزوجين ما يبفقدوا خصوصية غرفتهم

سؤالي :

متى نبدء نخلي الطفل ينام لوحده ؟ من أي عمر ؟

كلنا نعرف إنو الطفل الصغير يبكي كثير + إنو الله يكرمكم يرجع الأكل في بعض الأوقات

كيف ممكن الأم تحس في هدي الأشياء إذا ما كان الطفل قدامها

دايم أفكر في هدي الأشياء

ياريت المجربات يردوا

اولا الريال عنده دوام لازم يرتاح بالنوم و بعدين ممكن تسهرين مع الطفل بره الغرفه الى ان يخلص السنفونيه اليوميه من البكي و ينام ثم خذيه و ياك لغرفتك و جذيه ضربتي عصفورين بحجر و هو ان زوجك ارتاح بالنوم و انك نومتي الطفل و ياكم

انا ما اقدر مرررررررررره اخليه بعيد عني ولا ثانيه عشان كذا زوجي تعود خلاص

كلامج صحيح حرام المسكين يتعب علشانكم فالمفروض يلقى الراحه فى بيته قبل لايدورها بره
حبيبتى انتى ام وهذا واجبك ولازم تقابلين اعيالك وهو الأب لازم يقابل رزقكم واللى سويتيه كله صحيح الله يوفقكم وبكره راح يكبر ويتعدل نومه وراح ينام وياكم بدون ازعاج