الطلاق

شدني موضوع التساهل بالطلاق ،، وكأن أمره هين ،، يا الله كيف أتعجب من بعض البنات يوم يستشيرون لأسباب سخيفة ناتجة من تأثرهم بالعالم الوهمي من مسلسلات وسوشال ميديا وناتجة من قل التربية أو قل الاستيعاب للحياة الزوجية والمسئولية ،،، اخواتي اللي ناوية تعرس وهي مو قد المسئولية لا تتزوج وتوهق ولد الناس معها واذا بتعرس لا تنجب اطفال على طول وتشتتهم بالدنيا ،، الله رقيبكم ،،، اللي تقول زوجي مايخليني اطلع كل يوم ولهالسبب بتطلق أبي حريتي !!!! حبيبتي انت ليش تتزوجين ،، الزواج ارتباط ولابد تستوعبين ان لكل رجل عيوبه مافيه احد كامل ،، نتحمل العيوب ونحاول نرفع الحسنات وندعي الله ،،، الله يسعدكم بنات لاتخربون بيوتكم بيديكم ،، اذا زوجك مايأذيك بنفسك وصحتك ولا دينك اصبري عليه ،، البنات ماعاد يفهمون معنى المسئولية ، ترى مسئوليتك كامرأة أصعب من الرجل ، لابد تستوعبين انك بتكونين القائد عليك الادارة والتربية والرعاية والحماية حتى لاطفالك وبيتك من انهم يتدمرون ،، ارجوكم يابنات اللي زوجها مايأذيها ولا منه خوف على نفسها ودينها واولادها لاتفكر بالطلاق وتصبر ،،، تحمليه يااختي وجاهدي معه ، وحدة اعرفها زوجت زوجها تقول ولله انه غثيث ماغير بالبيت جالس ولا يطلع ولا يدخل ،، تخيلوا تعجبت انها بدال ماتطلب الطلاق زوجته ، تقول ما افكر اتطلق ولا لي خلق اقابله كل يوم ،، انا ما اقول نزوج رجالنا طبعا (هذا اللي ناقص) لكن احكي لكم انه هذي اختارت انها تزوجه لأجل تتفرغ لنفسها ولا انها تتطلق منه ،،، قرأت مواضيع حزنتني حسيت انه الحياة الأسرية صارت هشه بمفهوم بعض البنات … ادري ان فيه رجال ماعندهم احساس بالمسئولية ولايخافون الله لكن انا أتكلم عن اللي قايمين بواجباتهم وفيهم عيوب ،، ضروري نصبر ياجميلات ،، الطلاق هذا مفروض تنسونه وكنه مافيه دام زوجك يخاف الله ،، وثقوا انه مع الايام الزوج يتغير اذا زوجته شاطرة وشخصيتها حلوة ،، ترى المرأة أكثر تأثير من الرجل بين الزوجين اذا هي ذكيه،، خليك فاهمة واعرفي كيف تغيرين من طباعه السيئة وتحاشي طولة اللسان … عندي حكي كثير ولا ودي ازيد ولا ودي اراجع اللي كتبته لكن فعلا تأثرت من رسايل بعض البنات فقلت اكتب موضوع عام