الطلاق

السلام عليكم في امرأة متزوجة من تقريباً ٤ سنوات. في اختلافات بينها وبين زوجها زي كل تنين متجوزين. طلقها مره ورجعها، وهلا طلقها تاني مره بس عن طريق المحكمة وكتوب انها طلقه رجعيه، بعتبر مطلقه طلقه وحده قانونيه و طلقتين شرعيا. الزوج رافض تماماً انها تقضي العدة بالبيت الزوجيه، وبحكي انها محرمة عليه بس ما صار هاد الفظ بالمحكمه، سالت كتير شيوخ وبحكو انه ما بصير هاد الشي بالقانون وشرعية لازم تكون الزوجة في بيت الزوجية. هاد الحكي الزوج مو مقتنع فيه، و ببعت لأب الزوجه انه ما بده اياها وأنه بده يوكل ابوه يروح على المحكمة ويطلقها التلاتة بس والده رافض الطلاق. هيه بتحبه وصارلها شهرين عند اهلها بعتها وفاهمها انه ما بده اياها وخلص بينهم كل شي ومن اسبوع طلق عن طريق المحكمة بس هو ما كان مفكر تكون طلقه رجعيها. الزوجه نفسها ترجع على بيتها و اصلح الحال ، حتى شيوخ حكولها عشان يحكو معه و يفهموا بس صرت تخاف يعملها و يطلق اخر طلقه. هو انسان كتير عنيد و بحب يجاكر. بهاي الحله شو ممكن تعمل الزوجه؟ كل يوم بتستغفر وبتقراء سورة البقره وبتصلي على النبي كتير مرات هيه بدها اياه بضل زوجها شو ما كان، وعلاقتهم كانت منيحه بس العناد و الصوت العالي هو وصلهم لهون ، شو بتنصحها تعمل؟ الكل حكى معه وكل شي على الساس يصلحو بينهم بس هو مصر على هاد الشي ، وكنت تفكر يكون في طرف تلات بس لا، تأكدت انو ما في. الزوجه تعبت كتير و ما ضل فيها تعمل اكتر من هيك، بس صلاة و دعاء بالأخير كله بايد ربنا ..كانت تستناه هاي الثانيه عشان تعدي و تصلح كل شي في بيت زوجها بس مو رافض ومصر ما تروح على بيت و مستعد يطلق تالت طلقه بس عشان يعمل الي براسه.. الله يجزيكم الخير يارب