واخذ كل شي مهم يمه
ان كان اوراق و الا ذهب و الا شي غالي عليها
وتطلب الطلاق و تقول اسبابه
يهجره ويسافر
و لو عنده اثباتات ع سفره تتطلق سهالات لو عاند
لان ممكن يقولون له ترجع المهر
بنت عمي تسذا و الله رجعت نص المهر وهي نفس الشي عنده ولد
و نفس اسباب اختس زياده عليهم الضرب
خله مثلا تصور جواز سفره و الله معرف بس تاخذ كل احتياطاته بسكت
حسبي الله مدري متى يتطور ذا المجتمع المريض ويتطورن ذا العج الي ابلشن بنات الناس بعيالهن

اول شي تسويه تأخذ كل الأوراق الثبوتيه حقتها وحقت الولد عشان لو استنذل مايمرمطها بعدين وثاني شي تجلس معاااه بكل صراحه وتواجهه يافلان انا ابي الانفصال بس زي مادخلنا بالمعروف نبي نطلع بالمعروف مانبي محاكم وبهذله وتشوف رده فعله وتطالبه بنفقه لولدها واذا وافق والأمور مشت تمام من صالحها واذا عاند واستنذل تترك له البيت وترفع عليه قضيه وتطالب بالنفقه

مشكلتي مع طليقي قريبه من مشكلة اختك وهي لي سنة و3 اسابيع من ان تزوجت وكنت اشوف طليقي ايام الملكة مو مهتم انه يتصل او يرسل وكان ما يرسل او يتصل الين انا ارسل او اطلبة يتصل غير مهتم بي كزوجة ويوم جاء يوم زواجي واثناء ما حن نتصور انا واياه كنت اشوف في وجهه عبارات الحزن مغيم على وجهه وكانه ما يبغاني وكانه مجبور فيني سكت ولا قلت شي وبعد اسبوعين من زواجنا صار ينام في المجلس وانا في الغرفة وكنت اساله عن تصرفه فكان يتعذر بكثرة الحركة اثناء النوم وكنت غير مقتنعه بكلامة نهائيا الين كلمت احد المشايخ وهو استشاري وقال لي لا تخلينة على هذا الوضع من حيث ما ينام نامي معه وقال لي بهذا النص:~ روحي نامي معه ولا تروحين الين تلبسين لبسة النوم وتغسلين فمك وتتعطرين وتروحين بكامل شياكتك وتروحين تنامين معه والحمدلله سويت هذي الحركة ونفعت جاء ثالث شهر واحنا راجعين من براء قال لي يافلانة ابغاء اطلقك بس.............وسكت وتروا قال لي هذا الكلام من دون مناسبة ويوم قاله صدمني وجلست اطالع فيه ابغاء اشوف هو يتكلم عن جد ولا ايش السالفة..فقلت له:~ ايه كمل بس ايش؟؟ فقال:~ قومني عشان ابوي عشان الشماتة...انا صعقت وقلت ليش مو مرتاح معي؟؟ فقال وهو متردد:~ ايه .. فقلت خلاص الله يحفظك جلست معه سنة وهو يبين كرهه لي من تحت لتحت وانا ساكتة لانه ما يبين لي بشي ظاهر وصريح كان الغبية وقته براء وكنت اشوف عنده نفور مني ومن البيت فاضطر انا اطلع امشي في الحارةواخذ لي دورات واضعط عليه من ناحية الوظيفه فهنا انا سويت غلط واعترف بهذا الشي وهذي الغلطه انحسبت ضدي وهي يوم جيت اقدم على الوظيفه كان المسؤول عن التوظيف رجال لكن عيب هذا الرجل انه يلحق وراء اخبار المسؤولات في الشركة ولا يغره شي عن القسم النسائي فقال في نهاية كلامه لي تراء يافلان يقصد طليقي تراء فلانة اول مرة تدخل مكتبي وانا قد كاذبت على طليقي وقلت له اني دخلت علية مع ابوي ومن هنا بداء يشتدد الوضع معي والله يابنات ما خلاني اسوي هذي الحركة الا بسبب افعالة معي وعشان ما يمنعني من الوظيفة وبعد ما توظفت وقبل رمضان باسبوعين قام يتكلم عن التعدد وعن الزواج من الثانية فقلت له الله يحفظك والله اني مااقول لك شي تبغاء تتزوج فمن حقك انك تتزوج لكن تراء بشروط وذكرتها له وهو يبغاء يجس النبض عندي وجلسنا فترة الى قبل رمضان باسبوع ونص وهو يحن ويزن علي انه يبغاء يتزوج وانه يبغاء يسكنها عندي بالبيت وان ابوه رفض يعطيه طابق من الطوابق الي ياجرها على الناس ومن هذا القبيل الى ان جاء ذاك اليوم وارسل لي رساله من رقم غريب وعرفت انه هو يحرضني فيها علية وعلى اهله وهلى انه لازم اطلب الطلاق او اخليه يستاجر لي شقه براء وانه ما يبغاء الزواج من الثانيه وان اهله يدورون له وانهم يضغطون عليه وووو ومن نفس الرقم ارسل رساله على نفسه يحرضه علي وعلى اهلي وانهم غشاشين وانهم ما يستاهلونه وانه يا انه يمسكني او يطلقني ...............فتخاصمت انا واياه وقلت له والله ان مصير الايام تكشف من هو المرسل هل هو هوه او احد غيره ؟؟ وكان مصيره يطلقني ذاك اليوم بس سبحان الله اتصل مرتين علي وانا في الدوام كان يبغاء يطلقني ولا رديت وعلى اثرها اتصلت بعمي ابوه وقلت له لا ترتبط بعد العصر باحد لا عمال ولا غيرهم ابغاك بموضوع فقال لي عمي :~ ايش هو الموضوع هو فيه احد بيجيكم .فقلت له:~ لا الموضوع يخص فلان الى هو طليقي.. فقال لي:~ طيب... ويوم جاء بعد العصر وبعد ما رجعت من الدوام الا واسمع عمي مع العمال يشتغلون بغيت اموت منه واتصلت عليه وقلت ياعم تعال الله يحفظك فقال لي:~ انا ما بتدخل بينك وبين فلان انتوا حلو مشاكلكم بينكم وبكيفكم قلت ياعم قد قلت لك لا ترتبط باحد وكيف ما تتدخل وولدك مهددني بالطلاق وهو الغلطان فقال لي مااقدر قدكم كبار وحلو مشاكلكم بينكم وعلى كذا انهينا المكالمة ومن شدة القهر نمت وتخاصمت انا واياه على المغرب مره ثانية وحلف انه ما هو الي ارسلها لكن كانت اول واخر رساله تجيني وجاء قبل رمضان وقال لي اختاري 10 الايام الاولى او الوسطى او الاخيره من رمضان تجلسين فيها عند اهلك فقلت ليش:~ فقال :~ ابغاك ترتاحين عندهم وتجتمعين معاهم فقلت خلاص اهلي بيروحون للرياض رابع ايام رمضان بروح معهم فقال خلاص ويوم نزلني عند اهلي قام وكلم اخوي وقام يشكي عليه وقال اخت مهمله علاجاتها ومهمله بيتها ومهمله حتى حقوقي من يوم توظفت وتنام الى صلاة العشاء ولا تسوي لي اكل زين وتجلس تتصل بي تخيرني ايش تطبخ ووالله يابنات انه كذب فيها كلها وانه ظلمني فيها وفي اليومين الاخيره وانا في الرياض ماعاد ارسلت له ولا كلمته ويوم خلاص تعبت نفسيا فكلمته وقلت الله ما تتصل ولا ترسل ولا شي ماكان معك زوجه ولا شي المهم ماعاد اتصلت نهائيا ولا ارسلت له الا يوم رجعت وخلاني عند اهلي بعد السفر يومين وارسل لي رساله وقال لي:~ احس انك مجروحه مني او محرضه علي... فرديت عليه بكلام قوي والي بخاطري كله فقام هو ورد علي بكلام اشد من كلامي ومن ضمن عباراته اني ما اناسبه وانه مو هو مرتاح معيوحلف انه ماهو مرتاح معي طلعت كلمه ونزلت كلمه وبغاء يطلقني وتدخل اخوي وحل المشكله ورجعت وبعد مارجعت له ذاك اليوم تخاصمت انا واياه مخاصمه قويه مره ثانيه وانحلت المشكله بيني وبينه وسبحان الله ياجماعه في بدايه شهر 10 سويت تصرف جلس يراقبني عليها الى يوم 11/4 على جوالي وعلى اثرها طلقني وهذا بس غلطت غلطة ويوم تخاصمنا ذاك اليوم تخاصمنا مخاصمنا مخاصمه قوية فقلت له خلاص انا من طريق وانت من طريق فكاني اعطيته هذا الكلام على طبق من ذهب وطلاقني بس ظلمني في اشياء ماضامتني مثل ما ضامتني كلمة قالها لي لكن حسبي يالله ونعم الوكيل....

أنا أستغرب من أغلب الرجال إذا كان مغصوب ولا مايحب زوجته لازم يقضي شغله منها! بينما بعلم النفس يقولون الرجل إذا ماحب زوجته مستحيل يقيم علاقه معها!!!
وذولا يبلشون بنات خلق الله ويجيبون أطفال ضحيه ويطلق ويروح يتزوج وبكر بعد ولا كأنه مسوي شي والبنت وأهلها مايعلم بحالهم إلا الله!!


تصرف أختك سليم مادام قالها بالصريح تفارقه أبرك لها وربي يعوضها باللي يحبها ويصونها ويعرف قدرها
وذا الأشكال ماعليها حسوفة..

المـادة (54)لا نفقة للزوجة في الأحوال التالية:1 ـ إذا منعت نفسها من الزوج أو امتنعت عن الانتقال إلى بيت الزوجية من دون عذر شرعي.2 ـ إذا تركت بيت الزوجية من دون عذر شرعي.3 ـ إذا منعت الزوج من الدخول إلى بيت الزوجية من دون عذر شرعي.4 ـ إذا امتنعت من السفر مع زوجها من دون عذر.