الطلاق الطلاق الطلاق

يعتبر الطلاق مشكلة اجتماعية نفسية.. وهو ظاهرة عامة في جميع المجتمعات ويبدو أنه يزداد انتشاراً في مجتمعاتنا في الأزمنة الحديثة والطلاق هو " أبغض الحلال " لما يترتب عليه من آثار سلبية في تفكك الأسرة وازدياد العداوة والبغضاء والآثار السلبية على الأطفال ومن ثم الآثار الاجتماعية والنفسية العديدة بدءاً من الاضطرابات النفسية إلى السلوك المنحرف والجريمة وغير ذلك.

ومما لا شك فيه أن تنظيم العلاقة بين الرجل والمرأة وتكوين الأسرة قد نال اهتمام المفكرين منذ زمن بعيد. ونجد في كل الشرائع والقوانين والأخلاق فصولاً واسعة لتنظيم هذه العلاقة وضمان وجودها واستمرارها. ويهتم الدين ورجال الفكر وعلماء الاجتماع وعلماء النفس بهذه العلاقة، كل يحاول من جانبه أن يقدم ما يخدم نجاح هذه العلاقة لأن في ذلك استمرار الحياة نفسها وسعادتها وتطورها.لكــــــــــــــــــــــــــــــن يابنات ويا نساء
العلاقات الزوجية من أسمى العلاقات وأجملها ليش تنتهي بالطلاق الطلاق في السنوات الأخيرة كثر وصل لمستويات عالية ولأسباب تافهة واحد يطلق زوجتة لأنها ماسمعت كلام أمة أو لأنها ماتبي تحضر عزيمة مسوينها أهلة أو العكس وواحد مطلق زوجتة بعد ماحملت لأنه حضرتة ماقدر على المسؤلية مش متحمل مصاريف بيت وحرمة وطفل طلقه وترك أهلها يصرفون علي ولدة وشخص تهاوش مع مرتة ووصل للطق بينهم ورفعت يدها علي وجهة وطلقها واحد اكتشف بعد سنة إن زوجتة مهي اللي في بالة وطلقها
أما الحريم بنت اكتشفت إن الزواج مش مثل الصورة اللي حاطتها في بالها والاخت ماتقدر على المسؤلية طبخ ونفخ وتنظيف البنت فاكرة إن الزواج تماشي ورومانسيات وتزين وكشخة وطلعات وحفلات وحرية
وبنت ثانية ماتبي زوجها تقول عين فيني مادري وش فيني والمشكلة إن اقبح من خلق ربي وتصدق المسيكينة إنها عين وتروح لم أمها ومن مطوع لمطوع ألين مايطفش الزوج
وحدة زوجها مايوفر لها طلباتها المستحيلة وخلاص تزعل وتقول وش الحظ اللي معي ليش أنل ماني مثل فلانة زوجها يوفر لها كل شي وإنا ياحسرتي كل ماقلتلة جبلي قال ظروفي ماتسمح طيب ياأخت ليش ماتتحملين ظروف زوجك أجل ليش إنتي شريكت حياتة عشان تشفطين فلوسة
وحدة زوجها يبي يزور أهلة ويعطي أمه هدية البنت استخفت تروح تلعب بفلوسنا الفلوس الي تعطيها أمك إحنا أولا بها سبحان الله لكن لصارت الهدية لأهلها تكون من نفس طيبة ولاتكون هي أولابها
سبحان الله حريم يوهقون رجالهم بديون عشان بيينون للناس إنا كشخة وبطارى واللي نبية نحصلة على حساب راحت بال رجالهم
وليش الطلاق يكثر
لكن وش الحل يابنات وياحريم الوحده لماتتزوج تقعد خايفة لاتتطلق لأن الطلق طثر والشباب والبنات معاد يصبرون ولايتحملون أويحاولون يمشون الحياة ويقدمون تنازلات عشان الحياة الزوجية تستمر
الشباب عندهم مبدأ ياأكسر راسها وتمشين على إلي أنا أبية يالباب يفوت جمل
البنت والله لأكسر راسة وأخلية زي الخاتم في يدي ومايقدر يتركني لأنة خسر اللي قدامة وراة عشان يتزوجني وماتدري إنة مايهتم لأن اللي خسر أبوة وهلة والشاب في هالزمن يجي مثل ضيف الشرف في زواجه زين لدفع حق حلاقة وجهه
وبعديـــــــــــــــــــــــــــــــن وش الحل لازم الطلاق يقل في مجتمعنا لازم؟؟؟؟؟؟؟؟؟؟؟ شاركوني في الحلول لازم نقف يد وحدة ضد دمار العوايل ضد الطلاق أبغض الحلال عند الله