الطلاق ام الصبر

السلام عليكم ورحمة الله وبركاته ..


موضوعي طويل شوي، بس مضطره اشرح التفاصيل كي لا اضلم نفسي او زوجي.
انا عمري 24 سنه ادرس معلمة مقيمة ببلد أوروبي من كنت طفله. متزوجه من ثلاث سنين ونص وعندي ولد عمره سنتين وشوي.
مستقله بشقه مع زوجي- وأهلي وأهل زوجي قريبين جدا علينا.
انا جدا منهاره ومو عارفه منو يشور علي. اهلي يوقفون معي وأهل زوجي يوقفون مع ولدهم. محتاجه طرف ما يعرفني.
مشكلتي يا بنات اني افكر بالطلاق وخايفه يكون له اثار سلبيه ونفسيه على ابني لانه يحب ابوه.
الأسباب الي تخليني افكر بالطلاق هيه:
زوجي من خطبني غشني هو وأمه حسبي الله ونعم الوكيل. قالو شي وطلعو شي ثاني، وللاسف امنا فيهم بحكم الصداقه ومعرفه سنين وصدقنا الكلام.
قالو انو زوجي اموره كلها تمام ويحب الدراسه ويبي يدرس وياخذ شهاده. للأسف طلع ماله علاقه بالدراسه ويكرهها وكان يداوم دوام عادي يعادل ثانويه وبطل.
ومطلوب دين لل حكومة قروض وفواتير وبلاوي ما تاثر عليه سجن او كذلك- ولكن ممنوع ياخذ الجنسيه اذا ما يسدد الي عليه.
وللاسف صلاه ما يصلي ومن خطبو قالو يصلي.
وأول سنتين من زواجي كانت لي مشاكل كبيره معاه ومع امه ابتدت بعد العرس ب اسبوع والسبب انو ام زوجي تبيني كنه تبيني اروح من بيتي لهم يوميا اطبخ وانضف واساعدها وارد شقتي بالليل وصارت مشاكل كبيره لان هذا كان شرط اني مو كنه بحكم أني ادرس واطلع الصبح وارد العصر. وهالشي خلاها تكرهني وسبب حساسيه بيني وبين زوجي.
وللاسف زوجي ولد امه. يعني من ازورهم او نروح عرس يكلم امه او هيه تكلمه ويسالون بعض عني كيف كنت وشنو سويت. بعض المرات ما تقول شي وكثير ظلمتني تخيلو ممكن تقول زوجتك ما قعدت يمي بالعرس، زوجتك صورت مع امها قبل لا تصور معاي، زوجتك شايفه نفسها عليه وعلى خواتك. وطبعا في غيره لان مستوايً الدراسي أفضل من بنتها وهالشي يسبب مقارنه يعني باختصار تحسفو خطبوني لان ما يبونً وحده احسن نهر بناتهمً.
خليكم من اهله..
زوجي.. اشتغل كثير ب مطعم عنده خبره بهل مجال.. بس ما يطول فتره ويبطل. وحاليا ياخذ راتب حق المواطن عندنا وجالس لا شغله ولا عمله. اروح الدوام وارد هو نايم.
وعديم مسؤولية جدااااا. كان ما يشتري ماكله البيت واحتياجات المطبخ الا بل هواش. كلشي عليه دوام وطبخ واتسوق ومسؤولية الولد. بس بعد مشاكل صار يساعد شوي يتسوق للبيت.
اجازه السياقه له كم سنه يماطل اخر شي اعترف انو مسحوبه ولازم يطوف مده حتى يقدر يأخذها.
وجرب مد يده عليه مره من الصبح وانا انهرت.
والاسوء من هذا والي جد خلاني افكر بالطلاق هو انو جالس ما يشتغل وراتبه قليل جدا وانا اصرف عل بيت ومو ملحقه لان راتبي اكثر منه. وصار يستغلني ماديا. مديون ومطلوب وضغط عليه واخذ قرض ب اسمي مبلغ مو كبير عشان يسدد ديونه. وطبعا لا جزاءا ولا شكورا. المعامله زفت يسبني ويسب اهلي وعلى طول متنرفز ومزاجه ب خشمه، وعندي شك كبير جدا انو يدخن حشيش. للأسف ما كنت اعرف هل أمور بس لقيته ل جيبه اكثر من اربع مرات وكان ينكر يقول انو مو اله ل واحد صديقه. بس يوميا يدخل الحمام ومن يطلع شفت تبغ سجاير وريحه دخان وسير مكسر صغير مثل البخور شميته متاكده أنور حشيش:-(
واجهته أنكر ويحلف ويقول ما تستحين تفكرين جذي.
وطبعا هو واهله يحسون انه مضلوم فيني، يعني عاكسين الايه وانا والله الف من يتمناني وايد انخطبت بس سبحان الله نصيب.
انا صابره ومتحمله عشان ولدي، بس زوجي قاعد يثبت اسوء ويتردا وما عنده أي مستقبل قاعد على راتب الحكومة وقليل جدا، وعلى طول عندنا مشاكل، ويتحكم فيني وما اطلع مكان اذا مو منكد عليه، وزواجي وطلاقي ب أيد امه، بس تقول اي شي عني ما يتأكد صح ولا ظلم.. لا يصدق وأمه للأسف ضالمه وكذابه. وصارت رمضان الطاف قالت له عني شي تاااااافه وهيه طبعاً توصل كلشي.. اتصل وقال انتيً كيف كذا كذا وما سمع مني صح ولا كذب قال انتي طالق!!! ونام عند اهله يؤمر وأجار ثاني يوم يعتذر وسامحته وردينا ل بعض.
واسلوبه على طول نكد وهم وغم ويسب كلام بذيء من يعصب يقول كح.... :-( وامس يقول ام العي--ره.. وانا انهرت اضل اصرخ وأبكي واعصب وأقوله ما فيك خير بس ما في فايده. وما يحس بالذنب .. والعلاقة الزوجيه بالشهر مره.
من يهدأ يقول احبك ومن يعصب يقول أكرهك وهذا انا وما اتغير عاجبك عاجبك مو عاجبك ذلفي بيت اهلك.
وهني ب أوروبا ما عندنا شي اسمه المطلقه تنذل! أبدا لنا حقوق وشقه وندفع نص أجار وحضانه الطفل بلاش وراتب لُي ولطفلي.
رجا ابي المشوره بدون تجريح.. وأي سوْال او استفسار انا جاهزه. انفصل ولا يتضرر طفلي وانا اشوف طفلي يحب ابوه ويخاف حبيبي من انهار ونتهاوش. احس نفسي بكل الأحوال ضاره طفلي. نفسيتي جدا تعبانه وعندي امتحانات تخرج نهائيه ومالي نفس اييي شي؛-( .