الطلاق للي تفكر فيه ادخلي قبل تتكلمين

السلام عليكم ورحمة الله وبركاته


بناااااااااااااااااااااات يا مسلماااااات وش اللي صايرر 💔💔💔 تقهروووني إذا قريت خبر طلاق وابختار الطلاق ،
أنا مطلقة وهذة نصيحتي ...لأنها من قلب قلب
يا خوااااتي تعرفون المثل اللي يقول اسأل مجرب ولا تروح لطبيب او شي زي كذا !!


الزواج ميثاق غليظ وحياة أخرى ومسؤولية كبيرة فيها تنشئة جيل والجيل ذا انت مسؤولة عنه مستقبلًا يحتاج أسلحة عشان يمشي معك ، وإذا ما تسلحتي فيهم اعرفي ان حياتك بتكون من اردى بأردى إلا أن يشاء الله ..
( صبـــر+ دعــاء +صدقة+ استغفار + سورة البقرة )


لأن الزواج فيه مسؤولية التربية وركزوا على التربية حطوا تحتها ألف خــط !! ومسؤوليات وإلتزامات وارجعي لحياة الحريم قبل ما خرجوا جيل ينشد فيه الظهر إلا بصبرهم واحتسابهم الأجر لله سبحانه وتعالى ، لأنهم يفكرون بيوم القيامة وانهم راح يتحاسبون أمام الله عن هالمسؤولية الكبيرة ..
اللي أشوفه الآن وللأسف كثير إلا من رحم ربي عايشين لأنفسهم الزوجة تنهش زوجها وتاخذ واذا جت لاهلها او غيرهم سب وحش والزوج عايش لنفسه طلعات وخرجات وسفريات لا يهتم بتربية ولا طق خبر ، غير حياة المظاهر اللي عايشينها ، سفرات وتصوير واواني فاخرة ومطاعم وهدايا ولبس الاطفال ووووووووووو كأن هذي الاشياء إلزاميه ، والتربية ويييييين ؟؟؟ الاطفال اللي نشوفهم ويبتزونهم المراهقين والذكور ؟ عيال مين ؟؟
البنات اللي يترقصون ب التوك توك مدري شسمه شوفوا حسابات بالانستغرام وغيرها تشيب الراس !!! السوني تاركينهم عليها والألعاب !!! صاروا مايعرفون عقيدتهم الصحيحة من الأفكار المسمومة اللي تتعبى بروسهم من هالبلاوي ، والام والاب طبعًا كلن لاهي بجوه اللي موظفة واللي مع صديقاتها واللي عيالها مع الخدم واللي سهران مع اخوياه ولا يجي الا قريب الفجر !! او حتى اليوم الثاني ؟؟؟ سلامات !! هذا الزواج اللي أمر فيه الله تبارك وتعالى ؟؟ الزواج تكليف وليس تشريف
عندك قدرة على تحمله وافقي والا اتركيه
ونفس الشي الرجل عندك قدرة وتحمل والا اقعد عزوبي وكثر صيام وغض بصرك ..
الزواج مسؤوليه وليس مكانة اجتماعية !!!
وبالاخير وبكل بروووووود يطلق الأخ أو تتطلق الأخت لأن ماعجبتهم الحياة وبانتقم من فلان والا فلانة لأنه سوا او لانها سوت !!!


افيقوا من هالغفلة اللي انتوا فيها
اللهم صـل وسلم على نبينا محمد