الطلق الصناعي

مرحبا أخت خيزرانة أنت الدكتورة متى عطتك موعد ولادة
وإن شاء الله ما تحتاجين لطلق صناعي ..
أعتقد أنج بكر .. يعني شي طبيعي أنج تأخرين .. كثري مشي واشربي زعتر وفي كثير مشروبات كتبوها البنات في المنتدى .. وشدي الهمة ولا تفكرين كثير .. أيام معدودة وتشوفي النونو في حضنك وكثري أدعية ..
على فكرة الشنطة جاهزة ولا لأ .. المفروض تكون جاهزة من زمان ولا تخافي .. والله يقومك بالسلامة ..
أختك رحيق الزهور:21:

هلا ر حيق الزهور
طبيبتي قالت لي اذا ماولدتي هاليومين ولا جاك طلق خلالاص بنسووي لك طلق صناااعي عشان كذا ودي اعرف اي شيء عنه وهل هو يألم اكثر من الطلق الطبيعي ولا زي بعض ؟؟:(

وبالنسبه لشاي الزعتر بجربه اليوم انا جربت القرفه والطبيبه هي اللي قالت لي اشربيها بس مافادتني بجرب الزعتر وبشرب خروووع والله يعين واولد انشاء الله :(:(

ابشرك الشنطه جاهزه من الشهر الساااابع :( غبرت وانا للحين ماولدت :(:(

ومره شكرا على تجاوبك ومساندتك لي الله يجزاك الف خير :24: :24:

أنا أشوف الدكتورة متسرعة شوي عليج .. بس ولا يهمك ..شربي زعتر وكثري مشي وإن شاء الله تولدي طبيعي ..:24:

اختي خيزرانة ....نصيحة لا تروحين للطلق الصناعي ...

خلي البيبي يجي بوقته
انا حاسة فيج ...اكيد شايله هم وودج تولدين اللحظة قبل باجر .....بس والله الولادة الطبيعية شعورها احلى لما تجي فجاة ...انا ما جربتها وجربت الطلق الصناعي ...وكنت بكر ...بس تحسفت لاني ما نطرت ...مع اني تاخرت عشرة ايام ومع ذلك انصح كل وحدة لا تسمع كلام الدكتورة وتظل في البيت لحد ما تولد طبيعي

هذا مع الاطمئنان على البيبي بالتخطيط ...اذا كان كل شيء تمام ...اقول تنطر الوحدة احسن

وعلى قولتهم فعلا البكرية تطووووووووووول

لاتخافين من الطلق الصناعي ترى عادي انا مجربته

مفعولة يبدأ بعد 4 او 5 ساعات
انا حطولي اياه 8.00 الصبح ولدت 8.30 بليل :21:

بس مو كل الوقت عوار والم بدأ الطلق عدل بعد مانزلو ماء البيبي الساعه 1.00 تقريبا

لاتخافين وسمعي كلام الدكتوره

والله يسهل عليج