والله انا اشوف كلامك ياكوب ذره وانا اكل تمر بس مو رطب ماعندي الا مكنوز (مطروق)

وصايره هاليومين دايخه من كثر مااكله

يارب ان تسهلهاااااااااا يااااااااااااااارب

نصيحه يا بنات البكرية اذا ما جاها الا طلق تمشي و ما تروح المستشفى الا اذا انتظم وصار كل عشر دقايق هذا على حسب بعد المستشفى لكن اذا نزل ماء الراس قبل الطلق تنتظر شوي لين يجي الطلق وتروح لان البكريه عادة تطول في المخاض..وخلال الانتظار تاكل رطب والله يسهل على الجميع

أنا ما بوصف الطلق ومراحلة لأن الأخوات ما قصروا...

بس حبيت أقول لكل حامل وبكريه إنها ما تخاف وتحاول إنها ما تفكر في آلام الولادة...تذكري أمك والحريم اللي في هذي الدنيا كلهم ولدوا وأكثر من مرة..يعني الشي طبيعي...ومهما كانت شدة آلام الطلق صدقيني ما بتكون أكبر من طاقتج لأن الله بيهون عليج....والله عارف مدى تحملج فما بيحملج أكثر مما أنتي تقدرين تتحملينه

لا تسمعين كلام الأخريات عن فضاعة الطلق..لأن البعض يبالغ..وكل وحده تختلف عن الثانية..والله إن لحظات الولادة شيء حلو ورائع برغم الآلام المصاحبة...بتحسين نفسج فرحانه في داخلج حتى لو كنتي تبكين وتتألمين...ومن يطلع البيبي وتسمعين صراخة راح تنسين كل شي ولا كأنه شي استوى....

لأنك بكريه أنا حاسه فيج تبغين تعرفين أكثر وأكثر عن الولادة وآلامها...شي طبيعي وأنا كنت مثلج..بس عقب ما جربت قلت ليش كنت كل ما أسأل وحده عن الولادة تخوفني...الموضوع ما يستاهل خوف بالعكس الموضوع يحتاج هدوء وطمأنينة أكثر...

والله يسهل عليج وعلى كل حامل يارب ويفرحج بشوفة البيبي والله يجعله من الصالحين.. ويتربى في عزج وعز أبوه إن شاء الله

شوفوا حبيباتي الطلق والألم من وحدة للثانية يختلف ومستحيييييييييييييييل الوحدة تعرف شنهو الطلق قبل ماتجربة حتى لو حاولنا نوصفه لها بالتفصيل الممل لأن الطلق شعور مو شئ نلمسه ونشوفه ومهما وصفنا مشاعرنا والألم اللي حسيناه مستحيل نعطي فكرة عنه, الطلق أكبر من الوصف علشان كذا دايم أقول لحبيباتي
اللي ماجربوا الطلق لأتسألون أحد عيشوا التجربة بأنفسكم وتعرفوا عليها بأنفسكم
لأن كل وحدة تسألونها تحكي لكم تجربتها هي ولاشك إن تجربتها تختلف كثييير عن تجربتكم.. على العموم مثل ماتفضلوا الأخوات الكريمات بالتوضيح فأعراض الطلق
تشبه إلى حد كبير .. أعراض الدورة ولكم أن تتخيلوا كيف سيكون الطلق , ولكن بعد الولادة ــ الله يسهل عليكم أجمعين ــ أنا أبغاكم تقارنون بين اللي سمعتوة واللي عشتوه , وهل الوصف قرب لكم الفكرة ؟
ودمتم لأختكم

الولاده اسهل بوايد من الطلق بس الي متخوفه تاخذ ابره الظهر