السلام عليكم
شلونكم آن شاء الله تكونون بصحه وعافيه
انا عودتكم اكتب مواقف حصلت لي في حياتي للعضه والعبره
لان ادري ان فيه فئه من الناس مثلي حبيت انبههم ما يطيحون بمثل اخطائي بالمستقبل
بنات انا لما كنت حامل
طلبت استقدام خادمه وحرصت تكون من الجنسيه السيرلانكيه او الهنديه بحيث يكونون للشغل بالاضافه ماهم منفتحين مثل باقي الجنسيات كذلك راعيت مسآله يكونون حنونين مع الاطفال وماهم معروفين بالسحر
جتني بعد شهرين
انصدمت فيها اول ما شفتها كانت صغيره بعمر ٢٣ والجواز مكتوب عمرها ٣٤
من اول ٣ ايام بس تبكي وتتحسر على حالها وحال اطفالها وانهم فقراء معدمين حتى الاكل ما يحصلونه
وانا فزعت قلت خلاص اعطيك مبلغ وارسليه مباشره
بالاضافه رحت احسن الاسواق اللي انا اشتري منها مو اسواق شعبيه حتى
شريت لها من وآلى اغراض حتى الكماليات اللي مو بحاجتها شريت لها بالرغم اني مو موظفه انا طالبه وامكانياتي الماديه علي قدي
طلبت موبايل وخط مع ان الخدم عندنا مايستخدمون لكن انا وفرت لها
حتى ان بعد شهر واحد طاح بالماي وخرب رديت شريت ثاني لها
كانت تشكي من الدوخه والدوار
واشتري لها من الصيدليه امبولات حديد تشربهم يوميا مع عصير برتقال عشان تتنشط وتصير صحتها احسن
بالاضافه لفيتامين سي فوار وبنادول وطلعت لها كرت تآمين صحي للمستشفى
عاملتها معامله اهل البيت وماقصرت عليها بولا حاجه
حتى نفسيا اسمع مشاكلها وانصحها واهديها وانا كنت بوضع الله اعلم فيه من تعب
بعدها ولدت في بيت اهلي وهي ما تمسك حتى البيبي ولا تجيه
طول الوقت عن خدامات اهلي نفس جنسيتها
لدرجه لما كنت برجع شقتي بعد الاربعين رفضت ترجع معاي بحجه انها تعودت عليهم
وخليناها اسبوعين تجلس عندهم لين تجي لعندنا > فعلا كانت طيبه لحد السذاجه
وانا اللي كنت اتعب واكرف واعاني ارق مع البيبي وراتب الخادمه يجيها بالساهل
حتى ان مراعين حقوق الانسان وياها تنام العصر وبليل تنام ٩ والصبح تقعد ٧ او ٨
مع ان الناس والله ينومون خدمهم ١٢ ويقومونهم ٦
وانا اقول حرام
وهي طول الوقت تتعرف على الخادمات بالعايله وتاخذ اخبار وتتسلف منهم مبالغ ماديه
وتخلي سايق بيتنا يشتري لها موبايل شاشه لمس وخط ويرسل فلوسها عن طريق التحويل وتروح السوق تشتري ذهب واجهزه كهربائيه
وانا ياغافلين لكم الله
لاني كنت اروح الكليه ودوامي طويل من الصبح للعصر
وبنتي اخليها عند امي وهذي الخادمه وياها
وطلعت تترك بنتي عند امي والخدامه الثانيه اللي بالبيت تمسكها وهي تخطط وتفرفر
وقدامي تبكي وانها مسكينه ومريضه
الين صدمتني جايبه صندوق شحن بحري تحط فيها اغراضها وترسلهم لآهلها
مع ان ماصارلها عندي الا ٧ شهور وعقد عملها سنتين
قلت لها ليه ترسلين وانتي ماسافرتي
قالت الحين احسن وانا صدقتها
والله يا بنات ان الصندوق مليان اغراضي
يعني عطور رميتها هي خذتها واغراض بنتي البيبي ملابس صغرت عليها حتى الحفاضات اللي صغرت عليها ماخذتها
غير ملابس رميتها وشناط
مع ان كان من الاولى تاخذ رايي وتستآذن
استحيت ارد اخذ الاغراض وقلت دفعه بلا خل ترسلهم
حتى ماخده من اكل بيتنا حليب بودر علبه وزيت ومكسرات وتركتها
الين بعد شهر جتني تبكي وتصيح زوجي تركني وترك اولادي لحالهم
وهرب لدبي مع حبيبته
وانا ضروري ارجع لبلدي فقط ١٠ ايام اخذ عيالي واوديهم مدرسه داخليه اسجلهم
قلت طيب خل اختك توديهم
قالت لا ابي ارفع قضيه على زوجي تصير حضانه اولادي لي وتوريني رسايل بالسيرلانكي تقول هذي مراسلات زوجي وبعض اعترافاته انه يحب وحده وما يبيني
ابي اوديها الشرطه عشان يخلون زوجي ما يشوف عياله
وتقول انا ماعندي فلوس
قلت طيب شلون تسجلين اولادك وترفعين قضيه وانتي ماعندك فلوس ؟؟
قالت بتسلف
قلت خلي امك تروح
قالت لا امي تعبانه ومريضه
احنا رفضنا بالبدايه نسفرها
لكن استمرت اسبوع كامل تبكي وتصيح يوميا تصحينا من النوم وتخرعنا انها بتموت وان قلبها بيوقف على اولادها واحد ضاع وواحد بالمستسفى وبيتها احترق
وقصص هنديه مالها اول ولا اخر واحنا متعاطفين جدا
الى ان حجزنا لها تذكره على حسابنا والتذاكر وقت الصيف نااار غاليه بس قلنا ماعليه كلها ١٠ ايام ونتحمل لين تجي
وهي تصر ان تبي ترانزيت في دبي
بالاخر اكتشفنا انها راحت دبي
وان عندها اقامه من قبل لا تجي لعندنا
ما انتهت في الامارات
ووهقتني في وقت اعلم الله عندي اختبارات
وحسبي الله على كذب واستهتار الخدم
احنا نشوف انهم في جهل ويكسرون خاطرنا لكن بعضهم داهيه يتقنون التمثيل
حتى من العايله الكل يلومني يقول ليش ماوديتها المكتب اللي جبتيها منه يتفاهمون معاها قبل لا تغامرين وتخلينها تسافر
حتى خدم العايله بعد ما سافرت قالوا هذي كذابه وكنا نستغرب ان شلون هي عند مدام زين وياها
اختصرت لكم المواقف قد ما اقدر
ولا لو اقول لكم السوالف كلها تحسون ان هي المعزبه وانا الخادمه اللي اشتغل عندها
الله يعوضنا خير
ونصيحتي لكم
لا تتعاطفون جدا مع الخدم وتقدمون لهم مبالغ ماديه او حتى اشيا ما يستحقونها
او تصدقون قصصهم وتمثلياتهم
الافضل تودونها مكتب لو حصلت لكم مشكله تضمنون حقكم المالي
عاملوهم بالحد الطبيعي اللي تحترمونهم لكن الاندفاع بزياده غلط
ولا تفتحون باب على نفسكم تسمعون شكاويهم لانهم بيستمرون يتذمرون لحد مو طبيعي حتى من شغل البيت يجون يتذمرون او اذا حصلت لهم مشكله مع اي خدم
عودوهم ما ينقلون اخبار البيت او ياخذون اخبار الناس عن طريق خدمهم مو مثل غلطتي انا
حاليا مو قادرين نطلب خادمه اسعارهم ناااار وانضغطنا بالشغل جداً
والله يعوضنا
سنيار البحر @snyar_albhr
عضوة جديدة
يلزم عليك تسجيل الدخول أولًا لكتابة تعليق.
كيكه حمراء
•
والله صادقه ربي حسبهم
انا دايماً أقوله الخدم ماينعطون وجه
وبالعكس بالذات العمالة سوي خير تلاقين شر عن تجربة
واللي تلاقينها تعاملهم بنفس شينة وقسوة ماشيه سلام سلام
الله يعوضك عنها ويسد حاجتك بمن يرحمك ويساعدك بضمير لو كنتِ محتاجه
ولو ظروفك تحسنت ومانتِ بحاجتهم نصيحة عيشي بحرية وراحة بال واستغني عنهم
والله يسهل أمورك
وبالعكس بالذات العمالة سوي خير تلاقين شر عن تجربة
واللي تلاقينها تعاملهم بنفس شينة وقسوة ماشيه سلام سلام
الله يعوضك عنها ويسد حاجتك بمن يرحمك ويساعدك بضمير لو كنتِ محتاجه
ولو ظروفك تحسنت ومانتِ بحاجتهم نصيحة عيشي بحرية وراحة بال واستغني عنهم
والله يسهل أمورك
الله يعوضك خير
بس بعطيكي نصيحة لو استقدمتي خدامة وجتك قبل انتهاء العقد تبي تسافر قولليها بسفرك بس التذكرة من فلوسك لأنك بتسافري قبل نهاية العقد
لان خدامة أهلي عملت سالفة شبيهه بسالفة خدامتك قالت بنت اخوي توفت وبسافر قالتلها امي اوكي بس انتي تتحملي ثمن التذكرة وكانت تصيح وحالة لما عرفت كذا سكتت وماجابت طاري السفر ابدا
بس بعطيكي نصيحة لو استقدمتي خدامة وجتك قبل انتهاء العقد تبي تسافر قولليها بسفرك بس التذكرة من فلوسك لأنك بتسافري قبل نهاية العقد
لان خدامة أهلي عملت سالفة شبيهه بسالفة خدامتك قالت بنت اخوي توفت وبسافر قالتلها امي اوكي بس انتي تتحملي ثمن التذكرة وكانت تصيح وحالة لما عرفت كذا سكتت وماجابت طاري السفر ابدا
الصفحة الأخيرة