الطيبون لطيبات والخبيثون للخبيثات

ياحبيبتي
الخبيثون مو اللي يكشرون ونفسيه

لا الي اخلاقهم زفت
لا دين يمنعهم ولا خوف من الله


يعني اللي راعي دشاره وخراب ولعب مسيرة يطيح بوحده زيه


اعرف ناس
يوم شبع من البنات قال لامه يالله انتي دوري لي
دورت له كثير وقبلت فيه وحده وتزوجها على طول طلعت زيه
كان يخطبون له بنات دين واخلاق بس ربي كتب له دي من بين كل البنات اللي تاخذه



الخبيثون اللي يسعون بالارض فساد ولعب ولهو نصيبهم من البنات نفسهم


فيه الله يبالي بنات صالحات
ابتلاء واختبار من الله واذا هي صالحه واح تصلح زوجها بالدعاء
زي وحده متدينه اخذت واحد فرق عنها لا دين ولا اخلاق
تعبت معه لكن ماتعبت بدعائها لله انه يهدي زوجها وسبحان الله قلبه الله من انسان حقير لانسان متدين يخاف الله طيب القلب حنون كل لصفات اللي تتمناها زوجته صارت فيه

الله يغير بس مايتغير

اما اللي عصبي ونفسيه بس يصلي ويصوم ويقيم حدود الله هذا مو خبيث
الله مايقصد هنا اللي طيب قلبه واللي مو طيب
الخبيث هو فاسد اخلاقياً ودين

انا بعد كثيير افكر بهالآيه واستشعر عدل الله فيها واحيانا اشوف زوجين احدهم خبيث والثاني طيب ( طبعا في ظواهرهم) لكن سرائرهم مايعلم فيها الا الله سبحانه ..

زي ماتفضلت الاخت بائعة المسك ...

أمي زوجها الأول كان صايع ضايع
يضربها ويشرب خمر ويسرق ذهبها ويبيعه عشان يسافر للكاوليات
وهي طيبه عفيفة شريفة وهو خبيث

فيه تفسير ثاني للآيه واعتقد انه حكم من الله
زي ما الزاني ما يجوز له يتزوج الا زانية أو مشركة
فالطيبه ما ينكحها الا طيب مثلها

ويا ليت يا بنات اللي عندها تفسير صحيح تذكره مع المصدر
لأن فيه ظلم للطاهرة إذا كان زوجها خبيث
تقومون فوق صبرها عليه تحكمون عليها انها خبيثة مثلة
والا ما كان تزوجها وتستدلون بهالآية عليها

اقرئي تفسيرها بدل ماتجيك اجابات غير صحيحه وبعيده كل البعد عن معنى الايه