السلام عليكم
انا بخاطري سؤال واحد ابغى جوابه
الحين ليه في ناس تظلم البشر بدون سبب
يعني يكون بالفطرة ظالم
كيف تربى وعاش طفولته ولما يشوف عقوبته يصير يترجى السماح من المظلوم
ما اعرف كيف اوصل فكرة سؤالي لكم لذا بطرح لكم مثال بسيط
ابوي الله يرحمه بعد ماطلق امي حرمني منها 9 سنين ماشفت امي الا بعد ماتزوجت
قبل مايطلقها استولى على بيتها ودهبها وبعد ماطلقها حرمني اياها
عاونوه امه الله يرحمها وخواته كل وحدة اخذت نصيبها من الدنيا
امي ماسوت له شي عشان ينتقم واشتكت عليه كثير وصابها ضغط والسكر بسبب حزنها تبغى تشوفني
تقريبا امي الله يرحمها كانت عايشة على حلم انها تشوفني انا كنت بنتها الوحيدة وفرحت حياتها بس كان مستحيل جدا ماكان فايدة كان مصمم انها ماتشوفني بدون اي سبب
امي قضت على نفسها من الحزن عشاني وكان هو وحرمته يضربوني ويدعون علي وعلى امي
مافي سبب يدعو للقسوة هذي
امي لما توفت كان عمرها 47 سنة توفت يعني صغيرة كانت
هي تعبت من كثر مافقدت الامل
خالتي تقولي ياكثر صراخها بالمحاكم وصراخها على الناس وقد ايش تبهذلت وراحت الامارة ماخلت مكان وناشدت
ومرة من كثر ماصرخت عشان تشوفني لانه يومها طلع لها امر تنفيذ انها تشوفني وابوي اشتكى عليها ولغو حكم التنفيذ يومها صارت تصرخ بقوة واغمى عليها
هو طلعني مريضة نفسيا وسبب لي علل وعقد لكن الحمدلله نسيتها وتشافيت منها ونسيت الماضي كله وعايشة حياتي متعلمة كوافيرة وقاعدة اقوي نفسي اكثر وعندي حساب فيه ناس كثير
يعني احس نفسي منتصرة صح ايام الماضي ترجع لي لكن الحمدلله صرت اقوى وانتصرت وعندي عالمي الخاص
انا صدقت انه الظالم له عقوبة في الدنيا لما شفته بعد سنين ظلم كيف اخذ عقوبته الدنيوية الحمدلله كنت بارة فيه اخر ايامه ماقسيت عليه وراح عند رب رحيم لكن برقبته 2 عاشو ظلم عظيم بسببه
انا مسامحته دنيا اخرة
امي وخالتي الثانية ماتو كيف يسامحوه
انا هذا السؤال لي ابسأله الان ترى وصلت المعلومة
انه كيف نظلم والظلم حرام
احنا ماتربينا ببيوتنا وبين اهلنا على القرآن والسنة والصلاة
يعني قرأنا بالقرآن ايات لي تنهي عن الظلم وتتوعد بالعقوبة
ام الزوج لما تظلم زوجة ولدها كثير ويوم تخرب بيتها وبعد الطلاق تحرض ولدها ياخذ عياله ويحرمهم امهم عشان تحرق قلبها
اخت الزوج بعد
او زوجة الابن لي تحرض زوجها يعق اهله ويقاطعهم
او زوجة الاب لي تظلم عيال زوجها
او الضرة اولى ام ثانية لما تحاول تخرب حياة ضرتها وتعيش حياتها على حساب تعاسة الاخرى
مايعرفون انه هذا ظلم
طيب كيف يصومون رمضان ويصلون ويعبدون ربهم وهم يعرفون انه في بشر مظلومين بسببهم ولا يظنون نفسهم على صواب
ابوي لما ظلمني هذا الظلم انا وامي ماكان يعرف هذا انه ظلم وحرام؟
اتمنى فهمتوني وماطولت عليكم 😛
ورجاء تام لي تتفلسف او تقط كلام مال امه داعي خلها برا
ديمه4 @dymh4
عضوة نشيطة
يلزم عليك تسجيل الدخول أولًا لكتابة تعليق.
أسماء
•
شوفي في ناس بدون ضمير ..وتوقعي منهم أي شي
بالضبط كأن روحهم بشرية شيطانية ..يسوي أي شي ممكن يسوية
مايردعه إلا سلطه أعلى من سلطته ..أو مرض يهده ..أو قبر يغيّب
وجوده
هذول إن قويتي عليهم لاتضعفين لهم أبداً
لأنهم مايتعاملون بمبدء الرحمه
والحمدلله مافي حال يدوم القوي بينكسر ..الضعيف بيقوى
الصغير بيكبر ..
بالضبط كأن روحهم بشرية شيطانية ..يسوي أي شي ممكن يسوية
مايردعه إلا سلطه أعلى من سلطته ..أو مرض يهده ..أو قبر يغيّب
وجوده
هذول إن قويتي عليهم لاتضعفين لهم أبداً
لأنهم مايتعاملون بمبدء الرحمه
والحمدلله مافي حال يدوم القوي بينكسر ..الضعيف بيقوى
الصغير بيكبر ..
فيه والله يا كثر الظلم بالدنيا والظالمين اللي مايخافون ربهم ..
سبحان الله وانا اقرأ كلامك تأثرت وجا ببالي ان كثير يسعون ورا هالدنيا ويركضون وراها و اللي يتجبر واللي يتسلط ويظلم ويقسي ب الاخر يموت وما ياخذ شي معه غير اعماله .. شقد هالدنيا تافه تافه
اما عن ابوك ربي يغفر له ويسامحه ويرحم امك ويعوضها بجنته
دايم النزاع ذا بين المطلقين وقبل كم يوم قريت فيديو لأم تبكي قدام قبر بنتها اللي ابوها حرمها منها ومنعوها تشوفها حتى لما ماتت طليقها حرمها من بنتها سنتين ولما ماتت البنت بشهر دفنها ابوها داخل حديقتهم عشان امها ما تقدر تزورها شفتي كيف الظلم ؟!!!
ولما شفت مقطع زيارة الأم الأولى لقبر بنتها.. من خلف سياج.. شي يقطع القللللللللب والله انتزعت الرحمه من قلوب بعض البشر مهما كان لازم الكل يحط الاخره قدام عينه ويخاف من الظلم لان عواقبه ونهايته ماراح تسر صاحبه ابد
انا كل يوم اسمع قصصص وفيه منها قريتها وفيه منها حضرت الموقف وشفته بعيني والمشكله انواع الحلف والكذب على المظلومين بس عشان ينتصر ابليسهم ويحتفلون سوا حتى هنا فيه ناس تكذب عضوات وناس تظن فيهم السوء يا عالم الدنيا سيئه لاتزيدونها على بعض اللي يقهر ان الكل عارفين نهاية الدنيا وش عارفين ان كلللل شي مو دايم حتى
الحياه بكبرها وعرضها وملهياتها ونعمها زائله وموقته مدري ليش هاالتجبر وكأن الدنيا هي جنتهم وانه دائمين فيها ومايصحون الا بعد فوات الأوان لما يفقدون الراحه او يصيبهم الشي نفسه اللي ذوقوه غيرهم ااخخ الظلم متعب انا ودي اعرف الظلمه ذولا وش من قلب عندهم الله يرجعهم للصواب الله يهديهم بس ياليت ينتهي الظلم من كل هالدنيا لان والله تعبنااااااااااااااااااااااااااا من هالقصص وفيه العن وابشع من هالقصص استغفر الله ولا حول ولا قوة الا بالله اللي جربت الظلم بتفهم هالشعور شي يبكي ويخنق ...
قلوب حجر ...
سبحان الله وانا اقرأ كلامك تأثرت وجا ببالي ان كثير يسعون ورا هالدنيا ويركضون وراها و اللي يتجبر واللي يتسلط ويظلم ويقسي ب الاخر يموت وما ياخذ شي معه غير اعماله .. شقد هالدنيا تافه تافه
اما عن ابوك ربي يغفر له ويسامحه ويرحم امك ويعوضها بجنته
دايم النزاع ذا بين المطلقين وقبل كم يوم قريت فيديو لأم تبكي قدام قبر بنتها اللي ابوها حرمها منها ومنعوها تشوفها حتى لما ماتت طليقها حرمها من بنتها سنتين ولما ماتت البنت بشهر دفنها ابوها داخل حديقتهم عشان امها ما تقدر تزورها شفتي كيف الظلم ؟!!!
ولما شفت مقطع زيارة الأم الأولى لقبر بنتها.. من خلف سياج.. شي يقطع القللللللللب والله انتزعت الرحمه من قلوب بعض البشر مهما كان لازم الكل يحط الاخره قدام عينه ويخاف من الظلم لان عواقبه ونهايته ماراح تسر صاحبه ابد
انا كل يوم اسمع قصصص وفيه منها قريتها وفيه منها حضرت الموقف وشفته بعيني والمشكله انواع الحلف والكذب على المظلومين بس عشان ينتصر ابليسهم ويحتفلون سوا حتى هنا فيه ناس تكذب عضوات وناس تظن فيهم السوء يا عالم الدنيا سيئه لاتزيدونها على بعض اللي يقهر ان الكل عارفين نهاية الدنيا وش عارفين ان كلللل شي مو دايم حتى
الحياه بكبرها وعرضها وملهياتها ونعمها زائله وموقته مدري ليش هاالتجبر وكأن الدنيا هي جنتهم وانه دائمين فيها ومايصحون الا بعد فوات الأوان لما يفقدون الراحه او يصيبهم الشي نفسه اللي ذوقوه غيرهم ااخخ الظلم متعب انا ودي اعرف الظلمه ذولا وش من قلب عندهم الله يرجعهم للصواب الله يهديهم بس ياليت ينتهي الظلم من كل هالدنيا لان والله تعبنااااااااااااااااااااااااااا من هالقصص وفيه العن وابشع من هالقصص استغفر الله ولا حول ولا قوة الا بالله اللي جربت الظلم بتفهم هالشعور شي يبكي ويخنق ...
قلوب حجر ...
وعليكم السلام
وجعتي قلبي بكلامك الله يجبر خاطرك و يعوضك بأيام اجمل ويرحم امك وابوك ويغفر لهم
الكراهيه والحقد لما تدخل قلب الشخص ينعمي وتختل موازينه ويسعى للانتقام عشان يبرد قلبه حتى لو كان على حساب أذية الغير
انتي بس شوفي اتفه واقل الخلافات والمشاكل اللي تحصل بين الناس وركزي على الطرف اللي يحمل بقلبه الكراهيه والحقد
وشوفي كيف يستقعد شهور وسنوات ويسعى في ظلمك والانتقام منك بأي وسيله متاحه له حتى لو انها مجرد كلمه تطعن في عرضك ودينك واخلاقك ماراح يدخرونها ولا يفوتونها في انهم يستخدمونها للانتقام والتشفي بغير وجه حق
لان الكراهيه والحقد مرض خطير لما يدخل قلب بني آدم يجر للظلم
ومن اللي لاحظته وشفته وحصل معي للاسف الظالم مايحس انه ظالم ومعتدي وبرقبته حق للعباد بالعكس يشوف ان هذا حقه وانه انتصر !
عموماً اللي حصل حصل وانتهى خذي منه الحكمه والفايده فقط ولا تكثرين التفكير فيه بسلبيه
ولعل التسامح والعفو وطهارة القلب والرحمه هي أقوى حكمه ودرس نقدر نستخلصه من اللي حصل ونتعلم منه
وجعتي قلبي بكلامك الله يجبر خاطرك و يعوضك بأيام اجمل ويرحم امك وابوك ويغفر لهم
الكراهيه والحقد لما تدخل قلب الشخص ينعمي وتختل موازينه ويسعى للانتقام عشان يبرد قلبه حتى لو كان على حساب أذية الغير
انتي بس شوفي اتفه واقل الخلافات والمشاكل اللي تحصل بين الناس وركزي على الطرف اللي يحمل بقلبه الكراهيه والحقد
وشوفي كيف يستقعد شهور وسنوات ويسعى في ظلمك والانتقام منك بأي وسيله متاحه له حتى لو انها مجرد كلمه تطعن في عرضك ودينك واخلاقك ماراح يدخرونها ولا يفوتونها في انهم يستخدمونها للانتقام والتشفي بغير وجه حق
لان الكراهيه والحقد مرض خطير لما يدخل قلب بني آدم يجر للظلم
ومن اللي لاحظته وشفته وحصل معي للاسف الظالم مايحس انه ظالم ومعتدي وبرقبته حق للعباد بالعكس يشوف ان هذا حقه وانه انتصر !
عموماً اللي حصل حصل وانتهى خذي منه الحكمه والفايده فقط ولا تكثرين التفكير فيه بسلبيه
ولعل التسامح والعفو وطهارة القلب والرحمه هي أقوى حكمه ودرس نقدر نستخلصه من اللي حصل ونتعلم منه
الصفحة الأخيرة
ماعندي رد صراحه منصدمه انه فيه اب يظلم كذا الله يجبر بخاطرش يارب