السلام عليكم
اتمنى كل من تشوف موضوعي بس تدعيلي الله يشافيني من هل مرض واتعالج منه على خير وسلامه
اليوم قعدني زوجي وقالي الدكتوره اتصلت وقالت لازم تجون ظروري طبعا هل دكتوره اللي اراجع عندها للحمل
وانا قبل اسبوع مسويه تحالليل وقلت مستحيل ليش دقت علي المفروض من تنزل دورتي انا ادق عليها وتحطلي موعد
المهم قمت وانا ميته من الخوف وكنت مريضه اليوم وفطرت
المهم طول الطريق وانا استغفر وقلبي يعورني حاسه فيه شي موطبيعي بالموضوع
ولمن وصلت للدكتوره عطتني مقدمات طبعا
وبعدين قالت لي ما اقدر اسوي لج شي بخصوص الحمل لازم توقفين كل شي
قلت ليش
قالت لانه فيج فايرس كبد وبائي بي ونشط حيل
انا من الصدمه ما اقدر اوقف دموعي والله العظيم وزوجي يحاول يهديني
جان تصدمني مره ثانيه وتقولي الظاهر انتي فيج المرض من زمان وصار الحين نشط حيل
وقالت يمكن انه انتي عديتي زوجج
انا صرت ولا شي قدام زوجي انصدمت
والله دارت فيني الدنيا بيني وبين نفسي اقول 4 سنوات وانا انطر اني احمل والله وكنت رايحه واقول معقوله تحليل مالي اني حامل
معقوله انه يكون فيني شي او تخربطت هرموناتي
ماكان ببالي هل مرض كلش كلش
مع انه اخواني شباب 2 فيهم بس المرض خامل واختي من ابوي فيها المرض ونشط حيل وعدت زوجها بس حملت وجابت بنت والحين على رمضان اخره بتولد الطفل الثاني لها
بس الدكتوره صدمتني تقولي حتى زوجج لو مافيه شي تحاليله الجماع لازم يكون فيه واقي
يعني جنها تقولي مالج امل انه تحملين
اقسم بالله ماني عارفه شنو اسوي
احس كل مافتحت باب واقول ان شاء الله خير من ورى هل علاج الاقي نفسي طحت بشي اكبر منه
انا الشهر اللي فات اخذت اعشاب والله محد يقدر يتحمل طعمها لانها مره حيل
وسويت تمريخ وقالت لي الممرخه انه فيني ميلان بالرحم
والاشهر اللي فاتت الدكتوره ذبحتني بالحبوب المنشطه
وبالاخير اليوم صدمتني هل صدمه
الظاهر مو مكتوب لي اجيب عيال
وحتى فكرت انه لو زوجي طلع مافيه المرض فكرت اني اطلب الطلاق منه لانه مالي وجه اقابله
والله العظيم نفسيتي اندمرت من هل اطباء والامراض
استغفر الله العظيم
اي وحده لو عندها معلومه عن هل مرض او في احد تعالج منه او اخذ اعشاب تعالج منها لاتبخل علي وتدزلي على الخاص
ولاتبخلون علي لو بدعاء ان الله يشافيني من هل مرض ويشافي جميع المسلمين
اللهم لا اسالك رد القضاء ولكن اسالك اللطف فيه
يا ارحم الراحمين
:44:
قطوه نعسانه @ktoh_naasanh
عضوة نشيطة
يلزم عليك تسجيل الدخول أولًا لكتابة تعليق.
يالله يارب أن يفرج همك يارب العالمين ويشفيك وسبحان الله يا أختى إي داء له دواء ولاتضيقين نفسك أستغفرك كثير وتصدقي بأغلى شي لك من مال أو ذهب ترا الصدقه زينه الله يوفقك ويسعدك
يابنت الحلال وسعي صدرك كلها تساهيل وهالمرض لو كان نشط مع الادويه ان شالله بيخف وراح يكون الوضع طبيعي وتكملين ان شالله علاجاتك وتتيسر امورك وتحملين بأذن اللي بيده كل شي بس انتي خليك قريبه من ربك واتركي عنك كثر التفكير والوساويس وربي بيفرجها عليك مرضك مايعيق الانجاب ان شالله بس استمري بالعلاج عشان تخفي وبعدها كملي علاجات الحمل والله بيده كل شي لابيد طبيبه ولا طبيب
سلمك الله من كل سوء
نسبة الشفاء الآن من الفيروس بى
مرتفعة بفضل تطور الطب
وتابعى كل 6 اشهر
وظائف الكبد
نسبة الشفاء الآن من الفيروس بى
مرتفعة بفضل تطور الطب
وتابعى كل 6 اشهر
وظائف الكبد
الصفحة الأخيرة
ان مع العسر يسرا ان شاء الله