الظروف اليوم سبحان الله صايره ضدي

السلام عليكم 

سبحان ربي اليوم طرى على بالي اسوي معجنات لذيذه اخذها معاي لبيت اهل زوجي لان عازمينا ع الغدا وجلست من الصباح ضبطت الدجاجه ونظفتها وغسلتها وحطيتها ع النار وعجنت عجينتي بحافظه وحطيتها على دفاية الزيت عشان تخمر زين واذا نص ساعه وابو عيالي توضأ طالع بيصلي الجمعه بالمسجد تو نزل الا طفى علي الكهرب وفرني كهرب ما مداها تستوي الدجاجه

اتصلت عليه حاطه ع الصامت عشان ما يزعجه بالصلاه 

قلت خلني اصلي واجهز البصل والجزر عشان بس يرجع الكهرب احمس الحمسه واحشي العجينه 

فعلاً جهزت الخضر وقطعتهم ورحت للعجينه بشيك عليها واجهزها للاستعمال 

تو رفعتها الا تزلق الحافظه من يدي وتطيح العجينه ع الارض ووتعرفون عجينه لقطت اوساخ وبعض الشعيرات من الارض 

قلت بيت عمي ما لهم نصيب يجربون معجناتي والحمد لله على كل حال 

جمعت العجينه وحطيتها بكيس وتخلصت منها ونظفت الارضيه وتجهزت رحنا للغدا بدون طبق 

حظ اوفر ان شاء الله بالمرات القادمه