الظروف و أنا.. نصايحكم :'(

السلام عليكم ورحمه الله وبركاته


اتمنى انكم بخير وصحه وعافيه جميعا..
بدخل بالموضوع على طووول
بناات وحريم هههههه اسمعو سالفتي واتمنى احصل رد يفيدني
انا بنت زيي زي اي بنت كان عندي صديقات بمراحل الدراسه و كنت اتواصل معاهم دايييمااا بس جات فتره انقطعنا اللي تزوجت وراحت بمدينه ثانيه واللي سافرت مدينه ثانيه وعاشت فيها و زي كذا المهم اني جلست لوحدي ماعندي اي صديقه ..
وجات الجامعه وتعرفت على بنات جدد لكن علاقتي معاهم كانت سطحيه مو زي صديقاتي زماان :( وخلصنا جامعه وافترقنا للاسف..
وضليت 3 سنين بدون صديقات وصرت ما اطلع الا للمناسبات العايليه واحيانا اذا رجعت ابكي من المواقف اللي تحصل لي..زي مره وحده جلست تقول لي يوووه انتي لسا ماشتريتي جوال و كل ماتشوفني تقولها ماتدري ان ظروفي صارت سيئه ولو اقدر ماجلست على هذا الجوال اصلا ومواقف غيرها وغيرهااا المهم اني صرت حساسه مره من ناحيه ظروفي ومن ناحيه اني وحيده :'(


ابغى اخرج من هذي الحاله مابغى شي يأثر فيني. ابغى اسولف!! اي اسووووولفففف :'( نسيت كيف اسولف يابنااات :( ولو بتعرف على صحبات ولا بنات جدد مادري ايش اقولهم واحيانا حتى مع البنات اللي يقربولي احاول افتح موضوع بس للاسف ماحس انه عندي شي طول السنين لحالي من وين تجيني سوالف؟؟ ومادري ليش احس اني صرت ممله :'(


علموني كيف مااهتم لكلام الناس واتجاوز الظروووف و كيف اسولف واطلع سوالف و ابدا الكلام بالتفصييييل...قسم بالله مدري ايش صار فيني ما كنت كذا :'(
مرات اجلس افكر اقول لو تزوجت بيمل مني زوجي وبتمل مني امه :'((( اتمنى ارجع زي زمان حاولت بس ماقدرت .. ابغى نصايحكم وتجارب كم ولو وحده مرت بحالتي هذي


وسامحوني ترا الموضوع مو مرتب على بعضه بس اكيد وصل المعنى ويعطيكم العافيه مقدما ()