الظـــــــلم ظلــــــمااات سبحـــــــــــانك يـــــاربي

بسم الله الرحمن الرحيم


السلام عليكم ورحمة الله وبركاتة

لاتظلمن اذا ماكنت مقتدرا*******فالظلم ترجع عقباه الى الندم
تنام عينك والمظلوم منتبه******يدعو عليك وعين الله لم تنم


هذه قصة بسيطة عن الظلم وعاقبتة انا من وقف على احداث هذه القصة واقسم بالله انها واقعية بكـــل احداثها وسبحان الله ( وعزتي وجلالي لانصرنك ولو بعد حين)

معليش راح اتكلم شوية عامي وشوية فصحاء وراح ادخل بالموضوع على طول القصة ومافيها ياحلوات كان فيه وحدة تبي تخطب لولدها وكان امور العرس تستدعي العجلة يعني لازم يزوجونه بسرعة وفقا لمصالح كانت في انفسهم ماعرفناها الا بعدين وطاحو على وحدة بنية حلوة وصغنونة ودين واخلاق والاهم من ذالك كله انها طيــــــــــــــبة الى ابعد حــــد لاتحقد ولا تحسد ولا لها بهالامور ابدا صارت الملكة وخلال اسبوعين صــار الزواج متخيلين كيف السرعة **

تزوجوا وراحت معاه من منطقة الى منطقة ماتقول لا تغربت كثير وصبرت مالله كتب انو يجيها عيال طبعا بعد ماظبطت امور زوجها وتحقق له اللي صار بعقد الزواج بدأت المشاكل زوجها بصراحة ضعيف شخصية جـــدا بدأت المشاكل من ناحية امه صارت مأخذه هالبنت كأنها خدامة روحي يا فلانة جيبي سوي حتى في عز الظهر ماترحمها تطلعها للحوش تكنس وتسوي كـــل اللي بخاطرها وماشفت من هالبنت غير انها تنفذ كــل شيئ ولا تبدي اي اعتراض برضو هذا الشيئ ماعجب الام وصارت تزيد بالمشاكــل وتتبلى على البنت انها ماتجيب عيال بسبب امراض فيها وتخترع لها امراض ما ادري من وين المهم جلست البنت معاهم سنــة بالضبط وبعدها فجأه زوروا لها تقارير مرضية بإسمها على انو السبب في عدمانجابها للأطفال انو فيها المرض الفلاني والفلاني طبعا سوو هذا كله عشان يقنعوا ام البنت انو احنا ماطلقنا بنتك بدون سبب وتصير مشاكل كثيرة خصوصا انو فيه صلة قرابة تطلقت البنت ورجعت لاهلها ومعاها تقاريرها اللي جابوها لها وقالت كلمة وحدة حســبي الله ونعمى الوكــــيل طبعا كله هذا من تدبير ام الولد هـــــي اللي خططت لهذا كله وزوجت لولدها وحدة حــــلوة وتختلف اختلاف كامل عن الاولى بالجمال فقط اما الاخلاق حدث ولا حرج وهذا اللي انا لاحظته مرت السنــــــــــــــــــــــــــــــــــــــــــــــــــــــــــــــــــــــــين وصار عند ولدها اثنين عيال والبنت اللي تطلقت تزوجت وراحت في حالها بس مالله كتب تنجب وفجــــــــــــــــــــــــــــــــــــــــــــــــــــــــــــــــــــــــــأه:eek:

















جـــــــــــانا خبــر انو زوج هالحرمة الشريرة تزوج عـــــــــــــــــليها *****

















مين ياترى تزوج ؟؟؟؟؟؟؟؟


















تزوج شـــــــــــــــــــــــــغالة اندونيسية .... سبحان الله كسر عينها بشغالة بس مو هنا الضحكة ....الضحكة انه تزوجها ودخلها للسعودية بتقارير مزورة عن زوجته الاولى شلوووون ؟؟؟؟؟؟


راح زور تقارير عن زوجته وقال انو فـــــــــــــــــيها المرض الفلاني والمرض الفلاني عشان يسمحون له يتزوج من برى سبحـــــان لو رجعتـــوا قريتوا القصة حتلاقوا انها نفس الطريقة اللي طلقت فيها البنت من غير سبب زورت عنها تقارير وصار فيها نفس الشيئ وادعى انها طريحة الفراش وقدر يدخل العروس الجديدة هنا وعايش معها والاولى انصدمت وصارت تبين للناس انها مو متأثرة بس سبحان الله يبان على الواحد باين انها مكسورة مهما اخفت صار حالها هزيل ووجها شاحب واعتقد والله اعلم انها رجعت بذاكرتها لورى وعرفت عاقبة ظلمها وعرفت هي ايش اللي قدمته ولقته لان الله ما يغفل عن شيئ...



هذه قصة بسيطة وواقعية مثل ماقلت لكم وانا من الناس اللي وقف على احداثها فسبحانك ربي تمهل ولا تهمل

الظلم ظلمات يوم القيامة اتقو الظلم وواله انو صار العقاب في الدنيا..

واخيرا ادعـــوا انو ربي ينصرني على من ظلمني ومعليش اذا فيه لخبطة في الكلام سامحوني عليها

وكمـــــــــــــــــــــــا تديـــــن تــــــدااااااااااان.....