دلوعة & حبوبة :

ما شاء الله تبارك الرحمن ربي يحفظ عيالج من كل شر وعن جد موضوع مميز ومفيد وأحب أشارك فيه أنا لي طفل واحد حالياً عمره سنتين و9 شهور وهو متعلق في شخصية بارني وحافظ أناشيد بارني ويمارس نفس حركاته من تنطيط وغيره وهي عبارة عن رياضة للجسم وطبعاً بارني شخصية تعليمية وترفيهية في نفس الوقت وهو باللغتين العربي والانجليزي ويحب توم وجيري للترفيه وكذلك هو في الحضانة والاسبوع إللي طاف كان آخر يوم في السيمستر وتعلم معاهم أشياء كثيرة ولله الحمد مثل سورة الحمد و الأشكال والأرقام والحروف والمسميات والخ ..... لكن الألعاب إللي في البيت وبحط بعض منهم هذي اللعبة كتاب الكتروني الكتاب إللي فيه يتبدل وهو كتاب الكتروني يعتمد على 3 مراحل المرحلة الأولى : بس أصوات الأشياء إللي يضغط عليها المرحلة الثانية : أسماء الأشياء إللي يضغط عليها مع أصواتها المرحلة الثالثة : نفس المرحلتين السابقين بالإضافة إلى بعض الأسئلة إللي يوجهها للطفل كأن يبحث عن شي معين. الحلو إللي فيه إنه تعليمي يعني الشريط الواحد ممكن يعلم الطفل كثير من الأشياء مثل الأرقام والألوان والأشكال والاشارات ( فوق / تحت / أمام / الخ ...... ) ومسميات بعض الأمور الموجودة حول الطفل أو ممكن إن يكون بس تعليمي يعني الطفل يشوف بدون ما يحاول إن يضغط على الكيبورد أو يستخدم الكيبورد بس ويستمتع بالأصوات ويتعرف على الأشكال الموجوده فيه أما هذي اللعبة أخذتها يوم بدأ يتعلم المشي وبعد ما كبر استخدمها دراجهة وفي نفس الوقت ترولي بس الحلو في الموضوع إنه يتفكك ويبدأ الطفل يساعدج في التركيب وأثناء التركيب تطلبين منه القطعه بوصفها ولونها ويشاركج في التركيب تقريباً نفس هذي اللعبة بس أدواتها أكثر ويقدر يركب سيارة مطافي عن طريق تركيب البراغي باستخدام الأدوات

ما شاء الله تبارك الرحمن ربي يحفظ عيالج من كل شر وعن جد موضوع مميز ومفيد وأحب أشارك...