اليوم بعد ماخلصت لبنتي تدريباتها فكرت ليه ماانزل لكم بعض صور العابها التعليمية والاشياء اللي تساعدني بتعليمها وان شاء الله تستفيدون منها ودعواتكم لها ربي يشفيها ويفرحني فيها
انا حريصة جدا باي مكان ادخله اني ابحث لهاعن الالعاب التعليمية احسها افضل وسيلة للتعليم التعليم باللعب والحب
وانتقل هالشئ لابوها واخوانها هههه اي شئ يشوفونه يجيبونه علي طول حتي اخوانها الله يحميهم علي انهم صغار لكن يخترعون لها تدريبات من عندهم بالاضافة اني اعطيهم تدريبات بسيطة هم مسؤولين انهم يتابعونها معاها وتتعلمها منهم وماشاء الله تتقبل منهم اكثر مني بمراحل
طولت عليكم بالكلام وببدا معاكم بالصور واستحملوني العابها كثيرة بس صورت جزء لكم
الصور طلعت مقلوبة وماعرفت اعدلها اعذروني
(1)
هالبازل من التعليم المبكر
له مسكة لليد كبيرة ومرسوم نفس الصورة بخلفية البازل وفي جزء بكل قطعة ملمسه يختلف
البداية بهذا البازل جدا ممتازة للتدريب ومكتوب عليه من عمر9شهور
(2)
بازل الوجه موجود منه ايضا بازل لوجه الولد
من فناتير
حلو احيانا اطلب من بنتي اعطيني العين او الفم واوقات انا اعطيها اي قطعة تركبها مكانها
لكن انها تركبه كله وتنزله ماوصلنا لهالمرحلة
(3)
لعبة المطرقة والكرات
من فناتير
فيها تقوية لعضلات اليد وتركيز بين حركة اليد والعين
تضرب الكرة بالمطرقة وتدحرج الكرة لحالها
(4)
وهذا شكلها وهي مفتوحة
من سنتر بوينت
فيها تازر بين حركة اليد والعين وتعتبر من العاب النظم وتمهيد لنظم الخيوط والخرز
وكمان تقوي عضلات اليد بنتي يدينها ضعيفة تقدر تفتحها اما تركيبها تركز بوضعا بالفتحات لكن تحتاج لقوة لادخالها
بازل الاشكال الهندسية
بدون مسكة لليد من محل العاب
بالبداية لقيت بنتي تضع كل القطع بشكل صحيح ماعدا البيضاوي والقلب والمعين تلخبط بينها فعرفت انها تطابق الالوان مو الاشكال هههه
(6)
وتحته ايضا طبقة ثانية
بازل لجسم الولد وبازل لملابس الولد وفيه منه ايضا بازل للبنت
من فناتير مكتوب عليه من 4سنوات
حاليا اعلم بنتي علي اعضاء الجسم فيه كتغيير عن جسمها او جسم العروسة او الصور
(7)
لعبة ترفيهية تعليمية من فناتير
تضغط كل وجه للاسفل ومايطلع الا بحركة معينة اما تحرك المفتاح لاعلي او تلفه او تضغط عليه مع صوت لكل مفتاح لوحده
حلو يعلم الطفل السبب والنتيجة
(8)
الاكواب المتداخلة
من سنتر بوينت
تبني برج من الاكواب وفيها كمان اشكال وجوه تجلس تدور الكاس عشان يطلع الشكل
يزيد التركيز والتازر بين حركة اليد والعين